ചാലക്കുടി: വിനോദ സഞ്ചാരികള്ക്ക് അതിരപ്പിള്ളി മേഖലയിലേക്ക് താല്കാലിക പ്രവേശനം അനുവദിച്ചു. പ്രദേശവാസികളുടെ കഴിഞ്ഞ ദിവസത്തെ പ്രതിഷേധത്തെ തുടര്ന്നാണ് അതിരപ്പിള്ളി വ്യൂ പോയിന്റ് വരെ വിനോദ സഞ്ചാരികള്ക്ക് പ്രവേശനം അനുവദിച്ചത്. തദ്ദേശ തെരഞ്ഞെടുപ്പിന് ശേഷം പൂര്ണമായി പ്രവേശനം അനുവദിക്കും.
എന്നാല് തുമ്പൂര്മുഴിയിലേക്ക് പ്രവേശനാനുമതിയില്ല. തുമ്പൂര്മുഴിക്ക് എതിര്വശത്തുള്ള എറണാകുളം ജില്ലയിലെ ഏഴാറ്റുമുഖത്ത് വിനോദ സഞ്ചാരികളെ പ്രവേശിപ്പിക്കാന് തുടങ്ങിയിട്ടും ഇവിടെ വിനോദ സഞ്ചാരികളെ അനുവദിക്കാത്തതില് പ്രതിഷേധമുണ്ട്
