ചെന്നൈ: നടിയും ബി.ജെ.പി. നേതാവുമായ ഖുശ്ബു സഞ്ചരിച്ച കാര് അപകടത്തില്പ്പെട്ടു. തമിഴ്നാട്ടിലെ മേല്മാവത്തൂരില് വച്ചാണ് അപകടം സംഭവിച്ചത്. ഖുഷ്ബു സഞ്ചരിച്ച കാറില് ഒരു ട്രക്ക് ഇടിച്ചു കയറുകയായിരുന്നു. ഗൂഡല്ലൂരിലെ വേല്യാത്രയില് പങ്കെടുക്കാന് പോയതായിരുന്നു ഖുശ്ബു. താന് സുരക്ഷിതയാണെന്നും പോലീസ് അന്വേഷണം ആരംഭിച്ചിട്ടുണ്ടെന്നും നടി ട്വീറ്റ് ചെയ്തു.
വേല്യാത്രയില് പങ്കെടുക്കാന് കൂടല്ലൂരിലേക്കുള്ള യാത്ര തുടരും. വേല് മുരുഗന് തങ്ങളെ രക്ഷിച്ചുവെന്നും മുരുഗനില് തന്റെ ഭര്ത്താവ് അര്പ്പിച്ചിട്ടുള്ള വിശ്വാസത്തിന്റെ തെളിവാണിതെന്നും ഖുശ്ബു കൂട്ടിച്ചേര്ത്തു. അതേസമയം, ഖുശ്ബുവിന്റെ കാര് അപകടത്തില്പ്പെട്ട സംഭവത്തില് പോലീസ് അന്വേഷണം ആരംഭിച്ചു. കാര് ശരിയായ ദിശയിലൂടെ തന്നെയാണ് സഞ്ചരിച്ചിരുന്നത്. കരുതിക്കൂട്ടി വരുത്തിയ അപകടമാണോ എന്നറിയാന് ഡ്രൈവറെ പോലീസ് ചോദ്യം ചെയ്യുകയാണെന്നും ഖുഷ്ബു ട്വീറ്റ് ചെയ്തു.
