തിരുവനന്തപുരം: കംപ്ട്രോളര് ആന്ഡ് ഓഡിറ്റര് ജനറലിന്റെ (സിഇജി) റിപ്പോര്ട്ടിന്റെ കരട് എന്നവകാശപ്പെടുന്ന രേഖ പുറത്തുവിട്ട് വാര്ത്താസമ്മേളനം നടത്തിയ ധനമന്ത്രി തോമസ് ഐസക് കുരുക്കിലേക്ക്. കിഫ്ബിക്കെതിരെ സിഎജി റിപ്പോര്ട്ടില് നടത്തിയ പരാമര്ശങ്ങള് രാഷ്ട്രീയലക്ഷ്യത്തോടെയാണെന്ന ഗുരുതരമായ ആരോപണമുന്നയിച്ചായിരുന്നു സിഎജി റിപ്പോര്ട്ടിന്റെ കരട് എന്നവകാശപ്പെടുന്ന രേഖ പുറത്തുവിട്ട് ധനമന്ത്രി തോമസ് ഐസക് വാര്ത്താസമ്മേളനം നടത്തിയത്.
ഇതേത്തുടര്ന്ന്, സിഎജി റിപ്പോര്ട്ട് ചോര്ത്തിയെന്ന് ചൂണ്ടിക്കാട്ടി ധനമന്ത്രി തോമസ് ഐസകിനെതിരെ അവകാശലംഘനത്തിന് നോട്ടീസ് നല്കി പ്രതിപക്ഷം. യുഡിഎഫിന് വേണ്ടി വി ഡി സതീശന് എംഎല്എയാണ് നിയമസഭാ സ്പീക്കര്ക്ക് നോട്ടീസ് നല്കിയത്.
അതീവരഹസ്യമായി സൂക്ഷിക്കേണ്ട സിഎജി റിപ്പോര്ട്ട് ധനമന്ത്രി ചോര്ത്തി മാധ്യമങ്ങള്ക്ക് നല്കി. ഇതുമായി ബന്ധപ്പെട്ട് ചാനലുകളിലടക്കം നടന്ന ചര്ച്ചയില് പങ്കെടുക്കുകയും ചെയ്തു. സഭാവകാശങ്ങളിന്മേലുള്ള കടന്നുകയറ്റവും ചട്ടലംഘനവുമാണിതെന്ന് നോട്ടീസില് ചൂണ്ടിക്കാട്ടുന്നു.
ഗവര്ണര്ക്കാണ് സിഎജി റിപ്പോര്ട്ട് സമര്പ്പിക്കേണ്ടത്. അത് അതീവരഹസ്യമായി സൂക്ഷിക്കേണ്ടതാണ്. ഈ റിപ്പോര്ട്ട് ഗവര്ണറുടെ അംഗീകാരത്തോടെ സഭയില് വയ്ക്കേണ്ടതായിരുന്നു. ഇതൊന്നുമുണ്ടായില്ല. സഭയില് എത്തുന്നത് വരെ റിപ്പോര്ട്ടിന്റെ രഹസ്യാത്മകത കാത്തുസൂക്ഷിക്കേണ്ട ഉത്തരവാദിത്തം ധനമന്ത്രിയുടേതായിരുന്നു. ഇതില് ഉത്തരവാദിത്തപ്പെട്ട സ്ഥാനത്തിരുന്ന് ധനമന്ത്രി കാണിച്ചത് ഗുരുതരമായ ചട്ടലംഘനമാണെന്ന് സതീശന് അവകാശലംഘന നോട്ടീസില് പറയുന്നു.
