കുന്നത്തൂര്: കടപുഴ ഉപരികുന്ന് ഇടിച്ചുനിരത്താനുള്ള നീക്കത്തില് നിന്ന് അധികൃതര് പിന്തിരിയണമെന്ന് കൊടിക്കുന്നില് സുരേഷ് എംപി പറഞ്ഞു. കഴിഞ്ഞ ദിവസം എംപി ഉപരികുന്ന് സന്ദര്ശിച്ചു. വികസനത്തിന്റെ പേരില് കുന്ന് ഇടിച്ചു നിരത്തുന്നതിനെ അംഗീകരിക്കാന് കഴിയില്ല. ജനകീയപ്രതിരോധത്തിന്റെ വിവരം ദേശീയപാത വിഭാഗം ഉന്നത അധികൃതരെ അറിയിക്കുമെന്നും എംപി പറഞ്ഞു. റോഡ് വികസനത്തിന്റെ മറവില് കടപുഴ ഉപരികുന്ന് ഇടിച്ചുനിരത്താന് നീക്കം നടക്കുന്നതായി ‘ജന്മഭൂമി’ വാര്ത്ത നല്കിയതിനെ തുടര്ന്ന് നിരവധി ജനകീയ പ്രതിഷേധങ്ങളാണ് നടന്നത്.
കുന്നിടിക്കാന് ഒത്താശ ചെയ്യുന്ന സ്ഥലം എംഎല്എക്കും പഞ്ചായത്ത് അധികൃതര്ക്കുമെതിരെ നാട്ടുകാരും ക്ഷേത്ര ഉപദേശക സമിതിയും രംഗത്ത് വന്നിരുന്നു. നിരവധി സംഘടനകള് പ്രതിഷേധ പരിപാടികള് സംഘടിപ്പിച്ചിരുന്നു.
