ദുബായ്: പ്ലേഓഫിലേക്കുള്ള നിര്ണ്ണായക മത്സരത്തില് മുംബൈ ഇന്ത്യന്സിനെതിരെ സണ്റൈസേഴ്സ് ഹൈദരാബാദിന് 150 റണ്സ് വിജയലക്ഷ്യം. ആദ്യം ബാറ്റ് ചെയ്ത മുംബൈ ഇരുപതോവറില് എട്ട് വിക്കറ്റ് നഷ്ടത്തില് 149 റണ്സ് നേടി. മധ്യനിര നടത്തിയ ചെറുത്തുനില്പ്പാണ് മുംബൈയെ ഭേദപ്പെട്ട സ്കോറിലെത്തിച്ചത്. പരിക്കിന്റെ പിടിയിലായതിനാല് കഴിഞ്ഞ മത്സരങ്ങളില് കളിക്കാതിരുന്ന നായകന് രോഹിത് ശര്മ ടീമില് തിരിച്ചെത്തി. പേസ് ബൗളര്മാരായ ജസ്പ്രീത് ബുംറക്കും ട്രന്റ് ബോള്ട്ടിനും വിശ്രമം നല്കിയാണ് മുംബൈ ഇറങ്ങിയത്.
രോഹിത് ശര്മ നാല് റണ്സിന് തുടക്കത്തിലേ പുറത്തായി. ക്വിന്റണ് ഡി കോക്ക് (25), സൂര്യകുമാര് യാദവ് (36), ഇഷാന് കിഷന് (33), കീറണ് പൊള്ളാര്ഡ് (41) എന്നിവര് ഭേദപ്പെട്ട പ്രകടനം നടത്തി. ഹൈദരാബാദിനായി സന്ദീപ് ശര്മ മൂന്ന് വിക്കറ്റ് വീഴ്ത്തി. ജെയ്സണ് ഹോള്ഡര്, ശഹ്ബാസ് നദീം എന്നിവര് രണ്ട് വിക്കറ്റ് വീതം നേടി.
ജന്മഭൂമി ഓണ്ലൈന്