കൊച്ചി: ഓസ്ട്രേലിയന്‍ മുന്നേറ്റതാരം ജോര്‍ദാന്‍ മുറെയുമായി കരാര്‍ ഒപ്പിട്ടതായി ഇന്ത്യന്‍ സൂപ്പര്‍ ലീഗ് ക്ലബ് കേരള ബ്ലാസ്റ്റേഴ്സ്. ഈ സീസണില്‍ ബ്ലാസ്റ്റേഴ്സില് ചേരുന്ന അവസാന വിദേശതാരമാണ് മുറെ. ലീഗിലെ പുതിയ വിദേശതാര നയത്തിന്റെ ഭാഗമായാണ് ഏഷ്യന്‍ വംശജനായ മുറെ ടീമിന്റെ ഭാഗമാകുന്നത്.
ന്യൂ സൗത്ത് വെയില്‍സില്‍ നിന്നുള്ള യുവതാരം, ബുള്ളി എഫ്‌സിയിലൂടെയാണ് കരിയര്‍ തുടങ്ങിയത്. 2014-15 സീസണില്‍ സീനിയര്‍ ടീമിനൊപ്പം ചേര്‍ന്നു. 38 മത്സരങ്ങളില്‍ നിന്ന് പത്തു ഗോള്‍ നേടി. പിന്നീട് സിഡ്നി എപിഐഎ ലെയ്ഷാര്‍റ്റില്‍ ചേര്‍ന്നു. ക്ലബ്ബിലെ രണ്ട് സീസണുകളില്‍ 64 മത്സരങ്ങളില്‍ നിന്ന് 43 ഗോള്‍ നേടി. 2018ല്‍ ഗോള്‍ഡന്‍ ബൂട്ടും സ്വന്തമാക്കി.എ ലീഗ് ടീമായ സെന്‍ട്രല്‍ കോസ്റ്റ് മറൈനേഴ്സില്‍ നിന്നാണ് മുറെ ബ്ലാസ്റ്റേഴ്‌സിലെത്തുത്തത്‌
പ്രതികരിക്കാൻ ഇവിടെ എഴുതുക: