കുന്നത്തൂര്‍: ഐവര്‍കാല പാകിസ്ഥാന്‍മുക്കില്‍ വാടകയ്‌ക്ക് താമസിക്കുന്ന 12 വയസുകാരിയെ ലൈംഗികമായി പീഡിപ്പിച്ചശേഷം ഒളിവില്‍ പോയ പ്രതി പിടിയിലായി.
കടമ്പനാട്, തുവയൂര്‍ പാലപ്പള്ളില്‍ വീട്ടില്‍ ഹരിശ്ചന്ദ്ര(38)നെയാണ് ശാസ്താംകോട്ട പോലീസ് പിടികൂടിയത്. സംഭവശേഷം ഒളിവില്‍ താമസിച്ചിരുന്ന മാറനാട് മലയില്‍നിന്നുമാണ് പോലീസ് സാഹസികമായി ഇയാളെ പിടികൂടിയത്. കഴിഞ്ഞമാസം 18ന് രാത്രി ഒരു മണിക്കായിരുന്നു സംഭവം. വാടകയ്‌ക്ക് താമസിക്കാനായി എത്തിയ പെണ്‍കുട്ടിയുടെയും കുടുംബത്തിന്റെയും വീട്ടുസാധനങ്ങള്‍ ഇറക്കുന്നതിന് സഹായിയായി എത്തിയ പ്രതി വീട്ടിലെ സാഹചര്യങ്ങള്‍ മനസിലാക്കിയശേഷം രാത്രി ഒരു മണിയോടെ എത്തി ജനലിലൂടെ കൈയിട്ട് വാതില്‍ തുറന്ന ശേഷം വീട്ടിനകത്തു കയറി പെണ്‍കുട്ടിയെ ഉപദ്രവിക്കുകയായിരുന്നു.
രാത്രി ആയതിനാല്‍ പെണ്‍കുട്ടിക്ക് ആളെ തിരിച്ചറിയാന്‍ കഴിഞ്ഞിരുന്നില്ല. മുറ്റത്ത് പതിഞ്ഞിരുന്ന പ്രതിയുടെ കാല്‍പ്പാടുകള്‍ വിലയിരുത്തിയാണ് പോലീസ് പ്രതിയിലേക്ക് എത്തിയത്. കാല്‍പ്പാദത്തിന്റെ സവിശേഷതകള്‍ പ്രതിയെ കണ്ടെത്തുന്നതിന് സഹായകമായി. എസ്‌ഐ അനീഷ്, എഎസ്‌ഐ ഷാജഹാന്‍ എന്നിവരുടെ നേതൃത്വത്തിലാണ് പ്രതിയെ പിടികൂടിയത്.
പ്രതികരിക്കാൻ ഇവിടെ എഴുതുക: