കണ്ണൂര്‍: കര്‍ഷകരുടെ ക്ഷേമത്തിനും ഐശ്വര്യത്തിനും വേണ്ടി കാര്‍ഷിക പരിഷ്‌കരണ ബില്ല് കൊണ്ടുവന്ന പ്രധാനമന്ത്രി നരേന്ദ്രമോദിയെ അഭിനന്ദിച്ചുകൊണ്ട് കിസാന്‍ മോര്‍ച്ച കണ്ണൂര്‍ ജില്ലാ കമ്മറ്റിയുടെ നേതൃത്വത്തില്‍ കാര്‍ഷികോപകരണപൂജ നടന്നു. പ്രതിപക്ഷം നടത്തുന്ന കള്ളപ്രചരണങ്ങള്‍ തുറന്നുകാണിക്കുന്നതിന് വേണ്ടിയും രാജ്യ വ്യാപകമായി കാര്‍ഷിക ഉപകരണങ്ങള്‍ കത്തിച്ച് സമരം നടത്തുന്ന പ്രതിപക്ഷത്തിന്റെ നടപടിക്കെതിരേയും കൂടിയാണ് പരിപാടി സംഘടിപ്പിച്ചത്.
ബിജെപി കണ്ണൂര്‍ ജില്ലാ പ്രസിഡന്റ് എന്‍. ഹരിദാസ് ഉദ്ഘാടനം ചെയ്തു. കര്‍ഷകമോര്‍ച്ച ജില്ലാ പ്രസിഡണ്ട് സി.കെ. രമേശന്‍ മാസ്റ്റര്‍ അധ്യക്ഷത വഹിച്ചു. ബിജെപി ദേശീയ കൗണ്‍സില്‍ അംഗം പി.കെ. വേലായുധന്‍, ബിജെപി സംസ്ഥാന കമ്മിറ്റിയംഗം പി. സത്യപ്രകാശ്, മഹിളാ മോര്‍ച്ച കണ്ണൂര്‍ ജില്ലാ അധ്യക്ഷ സ്മിതാ ജയമോഹന്‍, ഒബിസി മോര്‍ച്ച ജില്ലാ പ്രസിഡണ്ട് കെ.പി. സഞ്ജീവ് മാസ്റ്റര്‍, ബിജെപി ജില്ലാ ജനറല്‍ സെക്രട്ടറി കെ.കെ. വിനോദ് കുമാര്‍, യുവമോര്‍ച്ച ജില്ലാ പ്രസിഡന്റ് അരൂണ്‍ കൈതപ്രം, കണ്ണൂര്‍ ജില്ലാ സെക്രട്ടറി വി.പി. സുരേന്ദ്രന്‍ മാസ്റ്റര്‍, കണ്ണൂര്‍ മണ്ഡലം പ്രസിഡണ്ട് രതിഷ് കളത്തില്‍, യു.ടി. ജയന്തന്‍ തുടങ്ങിയവര്‍ സംസാരിച്ചു. കര്‍ഷക മോര്‍ച്ച ജനറല്‍ സെക്രട്ടറി സി.വി. സുധീര്‍ ബാബു സ്വാഗതവും കണ്ണൂര്‍ മണ്ഡലം ജനറല്‍ സെക്രട്ടറി സുമന്‍ജിത്ത് നന്ദിയും പറഞ്ഞു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: