തിരുവനന്തപുരം: ജമാ അത്തെ ഇസ്ലാമിയുടെ രാഷ്‌ട്രീയപാര്‍ട്ടിയായ വെല്‍ഫെയര്‍ പാര്‍ട്ടിയുടെ പിന്തുണയിലാണ് താന്‍ ജയിച്ചതെന്ന് എന്‍.കെ. പ്രേമചന്ദ്രന്‍ എംപി. വരാന്‍ പോകുന്ന തെരഞ്ഞെടുപ്പില്‍ വെല്‍ഫെയര്‍പാര്‍ട്ടി-യുഡിഎഫ് ധാരണയായെന്ന വാര്‍ത്തയോട് പ്രതികരിക്കുകയയിരുന്നു അദ്ദേഹം. ശശി തരൂരിന്റെ രാജ്യവിരുദ്ധ പരമാര്‍ശത്തില്‍ തെറ്റില്ലെന്നും അദ്ദേഹം പറഞ്ഞു.
പാര്‍ലമെന്റ് തെരഞ്ഞെടുപ്പില്‍ വെല്‍ഫെയര്‍ പാര്‍ട്ടി പരസ്യമായി തനിക്ക് പിന്തുണ പ്രഖ്യാപിച്ചിരുന്നു. അവര്‍ സഹായിച്ചു. നിലവില്‍ യുഡിഎഫിലേക്ക് വെല്‍ഫെയര്‍ പാര്‍ട്ടി വരുന്നതിനെ കുറിച്ച് മുന്നണിയിലോ ആര്‍എസ്പിയിലോ ചര്‍ച്ച ചെയ്തിട്ടില്ല. ചര്‍ച്ചകള്‍ക്ക് ശേഷമേ തീരുമാനിക്കുവെന്നും പ്രേമചന്ദ്രന്‍ പറഞ്ഞു.
പാക്കിസ്ഥാനിലെ ലാഹോര്‍ പുസ്തകമേളയില്‍ ശശി തരൂര്‍ ഭാരതത്തെ അധിക്ഷേപിച്ച് സംസാരിച്ചതിനെയാണ് പ്രേമചന്ദ്രന്‍ പിന്തുണച്ചത്. തരൂര്‍ പറഞ്ഞത് വ്യക്തിപരമായ അഭിപ്രായമാണ്. വെല്‍ഫെയര്‍ പാര്‍ട്ടിയുമായി യുഎഡിഫിന്റെ ധാരണ പുറത്തു വന്നതിന് പിന്നാലെ ശശി തരൂരിന്റെയും പ്രേമചന്ദ്രന്റെയും നിലപാടുകള്‍ ചര്‍ച്ചയായി.
പ്രതികരിക്കാൻ ഇവിടെ എഴുതുക: