മട്ടാഞ്ചേരി: എറണാകുളം മെഡിക്കല് കോളേജില് കൊറോണ രോഗി മരിക്കാനിടയായ സംഭവത്തില് പുറത്തു വന്ന വെളിപ്പെടുത്തലുകള് കേരളത്തിനാകെ അപമാനവും മനസാക്ഷിയെ ഞെട്ടിപ്പിക്കുന്നതാണെന്നും ബിജെപി ജില്ലാ പ്രസിഡന്റ് എസ്. ജയകൃഷ്ണന്. കൊറോണ പ്രതിരോധ പ്രവര്ത്തനത്തില് കേരളം നമ്പര് 1 ആണെന്ന് വ്യാജ പ്രചരണം നടത്തുന്ന മന്ത്രി ഷൈലജ രാജിവെക്കണമെന്നും രോഗിയുടെ മരണത്തിന് കാരണക്കാരായ ഡോക്ടറേയും ആര്എംഒയേയും പുറത്താക്കി ശക്തമായ നിയമനടപടികള് സ്വീകരിക്കണമെന്നും അദ്ദേഹം ആവശ്യപ്പെട്ടു. കുടുംബത്തിന് സഹായധനമെത്തിക്കണമെന്നും വിധവയ്ക്ക് സര്ക്കാര് ജോലി നല്കണമെന്നും ബിജെപി ആവശ്യപ്പെട്ടു. കൊച്ചിയിലുള്ള വീട് സന്ദര്ശിച്ചശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
ബിജെപി കൊച്ചി മണ്ഡലം പ്രസിഡന്റ് എന്.എസ്. സുമേഷ്, ജില്ലാ സെക്രട്ടറി അഡ്വ. പ്രിയ പ്രശാന്ത്, സംസ്ഥാന സമിതി അംഗം എസ്.ആര്. ബിജു, ജനറല് സെക്രട്ടറിമാരായ എ. ഗോവിന്ദരാജ് പൈ, ആന്റണി ലൈസണ്, ട്രെഷറര് ശിവദത്ത് പുളിക്കല് എന്നിവര് ഒപ്പമുണ്ടായിരുന്നു
