ചടയമംഗലം: പിതൃത്വം സംശയിച്ച് ഒരു വയസ്സുകാരനെ കുളത്തിലെറിഞ്ഞു കൊല്ലാന്‍ പിതാവിന്റെ ശ്രമം. നിലമേലില്‍ എലിക്കുന്നാംമുകളില്‍ ഒരു വയസ്സ് പ്രായമുള്ള കുഞ്ഞിനെയാണ് കുളത്തില്‍ എറിഞ്ഞുകൊല്ലാന്‍ ശ്രമിച്ചത്. ഇതുമായി ബന്ധപ്പെട്ട് പിതാവ് എലികുന്നാംമുകള്‍ താഹ മന്‍സിലില്‍ മുഹമ്മദ് ഇസ്മായിലിനെ(40) നാട്ടുകാര്‍ തടഞ്ഞുവച്ച് പോലീസില്‍ ഏല്‍പ്പിച്ചു.
കഴിഞ്ഞ രാത്രിയിലാണ് ഇയാള്‍ കുട്ടിയെ കുളത്തില്‍ എറിഞ്ഞ് കൊല്ലാന്‍ ശ്രമിച്ചത്. കുട്ടിയുടെ പിതൃത്വത്തില്‍ ഇയാള്‍ക്കുളള സംശയത്തെ തുടര്‍ന്ന് വീട്ടില്‍ പ്രശ്നം ഉണ്ടാക്കുക പതിവായിരുന്നു. കഴിഞ്ഞ ദിവസം കഴിഞ്ഞദിവസം മദ്യപണ്ടിച്ചെത്തിയ ഇയാള്‍ ഇക്കാര്യം പറഞ്ഞ് ഭാര്യയെ ഉപദ്രവിക്കുകയും വീട് അടിച്ചുതകര്‍ക്കുകയും ചെയ്തു.
തുടര്‍ന്നാണ് ഇയാള്‍ കുട്ടിയെ തൊട്ടടുത്തുള്ള കുളത്തില്‍ എറിഞ്ഞ് കൊല്ലാന്‍ ശ്രമിച്ചത്. കുഞ്ഞിന്റെ കരിച്ചിലും ഭാര്യയുടെ നിലവിളിയും കേട്ട് ഓടിക്കൂടിയ നാട്ടുകാരാണ് കുഞ്ഞിനെ രക്ഷിച്ചത്. നാട്ടുകാര്‍ വിവരം അറിയിച്ചതിനെ തുടര്‍ന്ന് സ്ഥലത്തെത്തിയ ചടയമംഗലം പോലീസ് ഇസ്മായിലിനെ കസ്റ്റഡിയിലെടുത്തു. ജുവനൈല്‍ ജസ്റ്റിസ് ആക്ടും വധശ്രമവും ചുമത്തി ഇയാള്‍ക്കെതിരെ കേസ്സെടുത്തു. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: