കോട്ടയം: പുതുപ്പള്ളി തൃക്കോതമംഗലത്ത് കാറില്‍ കെഎസ്ആര്‍ടിസി ബസിടിച്ച് അപകടം. മൂന്ന് മരണം. മുണ്ടക്കയം കരിനിലം കുന്നപ്പള്ളി കുഞ്ഞുമോന്റെ മകന്‍ ജിന്‍സ്(31), കുന്നന്താനം സ്വദേശി മുരളി(70), മകള്‍ ജലജ(40) എന്നിവരാണ് മരിച്ചത്. ജലജയുടെ മക്കളായ അതുല്‍ (16) അസ്വിന്‍ (15 ) എന്നിവര്‍ ഗുരുതര പരുക്കുകളോടെ ആശുപത്രിയിലായി
കൊച്ചാലുംമൂട് വച്ചാണ് സംഭവം. പാമ്പാടിയിലെ മരണവീട്ടില്‍ പോയശേഷം കവിയൂരിലേക്ക് പോകുമ്പോഴാണ് വൈകീട്ട് 5.45 ഓടെ അപകടം നടന്നത്. ചങ്ങനാശേരിയില്‍ നിന്ന് ഏറ്റുമാനൂരിലേക്ക് പോകുന്ന കെഎസ്ആര്‍ടിസി ബസാണ് അപകടത്തില്‍ പെട്ടത്.
കാര്‍ ബസിലേക്ക് ഇടിച്ച് കയറി. കാറിന്റെ മുന്‍ഭാഗം തകര്‍ന്നിട്ടുണ്ട്. അഗ്‌നിശമന സേന എത്തിയാണ് കാറിലെ ആളുകളെ പുറത്തെടുത്തത്.
പ്രതികരിക്കാൻ ഇവിടെ എഴുതുക: