രാമനാട്ടുകര: രാമനാട്ടുകര മുനിസിപ്പാലിറ്റിയിലെ ആദ്യ ഇടതുഭരണം തന്നെ നിരാശാജന കമാണെന്നും സമസ്ത മേഖലയിലും ജനങ്ങള്‍ക്ക് ദുരിതം മാത്രമാണുണ്ടായതെന്നും ബിജെപി ഒബിസി മോര്‍ച്ച ജില്ലാ പ്രസിഡന്റ് നാരങ്ങയില്‍ ശശിധരന്‍ ആരോപിച്ചു.
ബിജെപിയുടെ സേവ് രാമനാട്ടുകര ക്യാമ്പയിന്റെ ഭാഗമായുള്ള നില്‍പ്പ് സമരം ഉദ്ഘാടനം ചെയ്യുകയായിരുന്നു അദ്ദേഹം. സഞ്ചാര യോഗ്യമായ റോഡില്ല, കുടിവെള്ളക്ഷാമം ഇന്നും പരിഹരിക്കാന്‍ കഴിഞ്ഞിട്ടില്ല. ആരോഗ്യ കേന്ദ്രത്തില്‍ ജനങ്ങള്‍ പ്രയാസം അനുഭവിക്കുകയാണ്. തെരുവ് വിളക്കുകള്‍ സ്ഥാപിക്കാത്തതും ശുചീകരണം ശരിയായി നിര്‍വഹിക്കാത്തതും കാരണം ജനം പൊറുതിമുട്ടിയിരിക്കുകയാണ്.
ജനങ്ങള്‍ അനുഭവിക്കുന്ന പ്രയാസങ്ങള്‍ക്ക് ജനങ്ങള്‍ക്കൊപ്പം നിന്ന് പ്രതികരിക്കാന്‍ ബിജെപി ശക്തമായ പ്രക്ഷോഭത്തിലേക്ക് നീങ്ങുകയാണെന്നും അദ്ദേഹം കൂട്ടിച്ചേര്‍ത്തു. മുനിസിപ്പാലിറ്റി ജനറല്‍ സെക്രട്ടറി വിജയകേശവന്‍, യുവമോര്‍ച്ച മണ്ഡലം ജനറല്‍ സെക്രട്ടറി രാജേഷ് പൊന്നാട്ടില്‍, ശിവദാസന്‍, രാമകൃഷ്ണന്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: