ന്യൂദല്‍ഹി: ഹാത്രാസ് കേസുമായി ബന്ധപ്പെട്ട് വര്‍ഗീയ കലാപത്തിന് ശ്രമിച്ച മലയാളി ഉള്‍പ്പെടെ നാലു പേരില്‍ അറസ്റ്റില്‍. മലപ്പുറം സ്വദേശി ഉള്‍പ്പെടെ നാലു പോപ്പുലര്‍ ഫ്രണ്ടുകാരെ യുപി പോലീസാണ് അറസ്റ്റ് ചെയ്തത്. മലപ്പുറം സ്വദേശി സിദ്ദിഖ്, മുസാഫര്‍ നഗര്‍ സ്വദേശി അതിക് ഉര്‍ റെഹ്‌മാന്‍, ബറേജ് സ്വദേശി മസൂദ് അഹമ്മദ്, റാംപൂര്‍ സ്വദേശി അലം എന്നിവരാണ് അറസ്റ്റിലായത്. ഹത്രാസിലേക്ക് പോകുന്നതിനിടെ മഥുരയില്‍ നിന്നുമാണ് അറസ്റ്റ് ചെയ്തത്..
അറസ്റ്റിലായവര്‍ക്ക് പോപ്പുലര്‍ ഫ്രണ്ട് ഓഫ് ഇന്ത്യയുമായി (പിഎഫ്‌ഐ) ബന്ധമുണ്ടെന്നും വര്‍ഗീയ കലപാത്തിന് തിരി കൊളത്തുകയായിരുന്നു ലക്ഷ്യമെന്നുമാണ് റിപ്പോര്‍ട്ടുകള്‍. യുപി സര്‍ക്കാരിന്റെ പ്രതിച്ഛായ നശിപ്പിക്കാനും പ്രദേശത്തെ സമാധാന അന്തരീക്ഷത്തെ ഇല്ലാതാക്കാനും ഇവര്‍ ഗൂഢാലോചന നടത്തി.
ദില്ലിയില്‍ നിന്ന് ഹാത്രാസിലേക്ക് യാത്ര ചെയ്തവരുടെ വാഹനം പോലീസ് തടഞ്ഞിരുന്നു. ചോദ്യം ചെയ്തതില്‍ നിന്നാണ് പോപ്പുലര്‍ ഫ്രണ്ട്, കാമ്പസ് ഫ്രണ്ട് ഓഫ് ഇന്ത്യ (സിഎഫ്ഐ) എന്നിവയുമായുള്ള അവരുടെ ബന്ധം ചോദ്യം വെളിച്ചത്തു വന്നത്. ഡല്‍ഹിയില്‍ നിന്നുമാണ് നാല് പേരും ഉത്തര്‍പ്രദേശില്‍ എത്തിയത്. ഇതു സംബന്ധിച്ച് പോലീസിന് രഹസ്യവിവരവും ലഭിച്ചു. ഇതിന്റെ അടിസ്ഥാനത്തില്‍ നടത്തിയ വാഹനപരിശോധനയിലാണ് 4 പേരെയും പിടികൂടിയത്. പക്കല്‍ നിന്നും മൊബൈല്‍ ഫോണുകളും, ലാപ്ടോപ്പുകളും, ചില രാജ്യവിരുദ്ധ രേഖകളും പോലീസ് പിടിച്ചെടുത്തിട്ടുണ്ട്.
ഹത്രാസ് സംഭവത്തിന്റെ പേരില്‍ വ്യാപക കലാപം സൃഷ്ടിക്കാന്‍ തീവ്ര മത രാഷ്‌ട്രീയ സംഘടനകളായ പോപ്പുലര്‍ ഫ്രണ്ട്, എസ്ഡിപിഐ എന്നിവ ശ്രമിക്കുന്നതായി സര്‍ക്കാരിന് റിപ്പോര്‍ട്ട് ലഭിച്ചിരുന്നു. പ്രവര്‍ത്തകര്‍ അറസ്റ്റിലായത് റിപ്പോര്‍ട്ട് ശരിവെക്കുന്നതാണ്.
ബിജ്നോര്‍, ബുലന്ദ്ഷഹര്‍, സഹാറന്‍പൂര്‍, ഹാത്രാസ്, അയോദ്ധ്യ, പ്രയാഗ്രാജ്, ലഖ്നൗ എന്നിവിടങ്ങളില്‍ സോഷ്യല്‍ മീഡിയ പ്ലാറ്റ്ഫോമുകളില്‍ വര്‍ഗീയ വിദ്വേഷം വളര്‍ത്തുന്ന പ്രചാരണം നടത്തിയതിന് 13 കേസുകള്‍ ഫയല്‍ ചെയ്തിട്ടുണ്ട്. സംസ്ഥാനത്തിന്റെ പുറത്തു നിന്ന് യുപിയില്‍ വര്‍ഗീയ കലാപങ്ങള്‍ വ്യാപിപ്പിക്കാന്‍ ഗൂഡാലോചന നടക്കുന്നുണ്ടെന്ന് മുഖ്യമന്ത്രി യോഗി ആദിത്യനാഥും അടുത്തിടെ വ്യക്തമാക്കിയിരുന്നു. ഗൂഡാലോചനയില്‍ വിദേശ ധനസഹായമുണ്ടെന്നും അദ്ദേഹം ആരോപിച്ചിരുന്നു. ഇതു ശരിവയ്‌ക്കുന്ന സംഭവങ്ങളാണ് ഇപ്പോള്‍ പുറത്തുവരുന്നത്.
പ്രതികരിക്കാൻ ഇവിടെ എഴുതുക: