മട്ടന്നൂർ: കണ്ണൂർ വിമാനത്താവളത്തിൽ തുടർച്ചയായ രണ്ടാം ദിവസവും യാത്രക്കാരനിൽ നിന്ന് സ്വർണം പിടികൂടി.
കാസർക്കോട് തെക്കിൽ സ്വദേശി അബ്ദുൾ റഷീദിൽ നിന്നാണ് 18 ലക്ഷം രൂപ വരുന്ന 350 ഗ്രാം സ്വർണം പിടികൂടിയത്. ഞായറാഴ്ച രാവിലെ 6.30 ന് ദുബായിൽ നിന്ന് എയർ ഇന്ത്യ എക്സ്പ്രസ് വിമാനത്തിലാണ്
അബ്ദുൾ റഷീദ് എത്തിയത്. ചോക്ളേറ്റ് ബോക്സിനുള്ളിലും ബാഗിനുള്ളിലും ഒളിപ്പിച്ചാണ് സ്വർണം കടത്താൻ ശ്രമിച്ചത്.
ശനിയാഴ്ച രാത്രി മസ്ക്കറ്റിൽ നിന്നെത്തിയ രണ്ടു പേരിൽ നിന്നായി 68 ലക്ഷം രൂപയുടെ 1.34 കിലോ സ്വർണം പിടികൂടിയിരുന്നു.
കസ്റ്റംസ് അസി.കമ്മീഷണർ ഇ.വികാസ്, സൂപ്രണ്ടുമാരായ കെ.സുകുമാരൻ, സി.വി.മാധവൻ, ഇൻസ്പെക്ടർമാരായ എൻ.അശോക് കുമാർ, യദു കൃഷ്ണ, കെ.വി.രാജു, സന്ദീപ് കുമാർ, സോനിത്ത് കുമാർ എന്നിവരുടെ നേതൃത്വത്തിൽ നടത്തിയ പരിശോധനയിലാണ് സ്വർണം പിടികൂടിയത്.
ജന്മഭൂമി ഓണ്ലൈന്