കോഴിക്കോട്: സംസ്ഥാന സര്ക്കാര് ജീവനക്കാരുടെ ആനുകൂല്ല്യങ്ങള് ഒന്നൊന്നായി കവര്ന്നെടുക്കുന്ന ഇടതു സര്ക്കാര് നിലപാടിനെതിരെ കേരള എന്ജിഒ സംഘ് ജില്ലാ കമ്മറ്റി പ്രതിഷേധ വാരം സംഘടിപ്പിച്ചു. ജില്ലയിലെ വിവിധ കേന്ദ്രങ്ങളില് പ്രതിഷേധ സംഗമവും ധര്ണയും നടത്തി.
കോഴിക്കോട് കോടതി സമുച്ചയത്തിന് സമീപം നടത്തിയ പ്രതിഷേധ സംഗമം എന്ജിഒ സംഘ് ജില്ലാ സെക്രട്ടറി പി.കെ. ഷാജി ഉദ്ഘാടനം ചെയ്തു. എ.പി. ലിജി അദ്ധ്യക്ഷയായി. ജില്ലാ ട്രഷറര് പി. ശശികുമാര്, ഇ. രജ്ജിത് ലാല്, കെ. പത്മിനി, എസ്.എം. ബിന്ദു എന്നിവര് സംസാരിച്ചു.
കോഴിക്കോട് സിവില് സ്റ്റേഷനില് നടത്തിയ പ്രതിഷേധം ജില്ലാ പ്രസിഡന്റ് പി. അജിത് കുമാര് ഉദ്ഘാടനം ചെയ്തു. പി. സുനീഷ് അദ്ധ്യക്ഷനായി. ജില്ലാ സമിതി അംഗം രാജന് കരുവാണ്ടി, ശ്രീശന് എന്നിവര് സംസാരിച്ചു. മെഡിക്കല് കോളേജ് ബ്രാഞ്ച് കമ്മറ്റി നടത്തിയ വിശദീകരണ യോഗം ജില്ലാ ജോയിന്റ് സെക്രട്ടറി എം. രാമചന്ദ്രന് ഉദ്ഘാടനം ചെയ്തു. മുരളി മോഹന് അദ്ധ്യക്ഷനായി. കൗഷിക്, സന്തോഷ് എന്നിവര് സംസാരിച്ചു.
മുക്കം മിനി സിവില് സ്റ്റേഷന് മുന്പില് നടത്തിയ പ്രതിഷേധ ധര്ണ സംസ്ഥാന കമ്മറ്റി അംഗം എന്. ബിജു ഉദ്ഘാടനം ചെയ്തു. ജില്ലാ വൈസ് പ്രസിഡന്റ് സതീഷ്കുമാര് മുഖ്യപ്രഭാഷണം നടത്തി. എന്. പ്രതാപന് അദ്ധ്യക്ഷനായി. ബ്രാഞ്ച് സെക്രട്ടറി എ.പി. പ്രസാദ്, സുനീഷ് എന്നിവര് സംസാരിച്ചു.
താമരശ്ശേരി മിനി സിവില് സ്റ്റേഷന് മുന്പില് നടത്തിയ പ്രതിഷേധ സംഗമം ജില്ലാ വൈസ് പ്രസിഡന്റ് യു. സതീഷ്കുമാര് ഉദ്ഘാടനം ചെയ്തു. വി. പ്രതീഷ് കുമാര് അദ്ധ്യക്ഷനായി. ജില്ലാ സമിതി അംഗം പി. പ്രദീപ്, ശ്രീനേഷ് എന്നിവര് സംസാരിച്ചു.
