തിരുവനന്തപുരം: കോവിഡ് പ്രതിരോധത്തിന്റെ ഭാഗമായി സംസ്ഥാനത്താകെ നിരോധനാജ്ഞ ഏര്പ്പെടുത്തിയിട്ടില്ലെന്ന വിശദീകരണവുമായി റവന്യൂമന്ത്രി ഇ. ചന്ദ്രശേഖരന്. ഓരോ ജില്ലകളിലെയും സാഹചര്യം നോക്കി ആള്ക്കുട്ടങ്ങള്ക്കുള്ള വിലക്കില് കലക്ടര്മാര് പ്രത്യേകം ഉത്തരവിറക്കും. വൈകിട്ടോടെ ജില്ലാ കളക്ടര്മാരുടെ വ്യക്തമായ ഉത്തരവ് ഇറങ്ങും. ആള്ക്കൂട്ടങ്ങളിലൂടെ കൊവിഡ് സൂപ്പര് സ്പ്രെഡിനുള്ള സാധ്യത തടയാന് ശക്തമായ നടപടികളുണ്ടാകും. കണ്ടെയിന്മെന്റെ് സോണുകളില് നിന്ന് പുറത്തുപോകുന്നതിന് നിയന്ത്രണം ഉണ്ടാകുമെന്നിരിക്കെ ഓഫീസുകളില് പോകുന്നവര്ക്ക് ഇളവ് ഉണ്ടാകുമോയെന്നത് വ്യക്തമല്ല. 15 മുതല് സ്ളൂകള് തുറക്കുന്നതില് സംസ്ഥാനങ്ങള്ക്ക് തീരുമാനമെടുക്കാമെന്ന് കേന്ദ്രമാര്ഗനിര്ദ്ദേശമുണ്ടെങ്കിലും കേരളം ഇത് വരെ ഇക്കാര്യത്തില് തീരുമാനമെടുത്തിട്ടില്ല. ഈ ആഴ്ചയിലെ സ്ഥിതിഗതികള് കൂടി വിലയിരുത്തിയാകും 15 മുതലുള്ള അണ്ലോക്കിലെ സംസ്ഥാന തീരുമാനമെന്നും റവന്യൂമന്ത്രി.
കടുത്ത നിയന്ത്രണങ്ങള് കാണിച്ച് ചീഫ് സെക്രട്ടറി ഇന്നലെ ഇറക്കിയ ഉത്തരവ് ഇടയാക്കിയത് പലവിധ വ്യാഖ്യാനങ്ങള്ക്കാണ്. അഞ്ച് പേരില് കൂടുതല് കൂട്ടം കൂടാന് പാടില്ലെന്ന ഉത്തരവില് വിവാഹങ്ങള്ക്കും മരണത്തിനും മാത്രമായിരുന്നു ഇളവ്. ആരാധനാലയങ്ങള്ക്കും ഓഫീസുകള്ക്കും അടക്കം സംസ്ഥാനത്താകെ ആള്ക്കൂട്ട വിലക്കും നിരോധനാജ്ഞയുമാണോയെന്ന തരത്തില് ചര്ച്ചകള് സജീവമായി. ഏതൊക്കെ മേഖലകളില് എന്നതടക്കം നിയന്ത്രണം സംബന്ധിച്ച വ്യക്തമായ വിവരങ്ങള് ഉത്തരവിലുണ്ടായിരുന്നില്ല. ഈ സാഹചര്യത്തിലാണ് റവന്യൂമന്ത്രിയുടെ വിശദീകരണം.
