തലശ്ശേരി : കൊറോണ വൈറസ് നിയന്ത്രണങ്ങള് കാറ്റില്പറത്തി സിപിഎം നേതാക്കളുടെ നേതൃത്വത്തില് കുടുംബസംഗമം നടത്തി. ന്യൂമാഹി കണ്ടെയ്ന്മെന്റ് സോണില് കര്ശ്ശന നിര്ദ്ദേശങ്ങള് നിലനില്ക്കേയാണ് കുടുംബ സംഗമം സംഘടിപ്പിച്ചിരിക്കുന്നത്. ഇതുമായി ബന്ധപ്പെട്ട് ന്യൂമാഹി പോലീസ് 32 സിപിഎം പ്രവര്ത്തകര്ക്കെതിരെ കേസെടുത്തു.
കോടിയേരി കൊമ്മല്വയലിലെ വീട്ടില് ഈ മാസം 27ന് നടത്തിയ സിപിഎം കുടുംബസംഗമത്തില് പങ്കെടുത്തവര്ക്കെതിരെയാണ് കേസെടുത്തിരിക്കുന്നത്. കൊറോണ കേസുകള് നിരവധി റിപ്പോര്ട്ട് ചെയ്തിട്ടുള്ള മേഖല കൂടിയായതിനാല് ഇവിടെ കര്ശ്ശന നിയന്ത്രണങ്ങളാണ് ഏര്പ്പെടുത്തിയിട്ടുള്ളത്. . കുടുംബ സംഗമം നടന്ന വീടിന്റെ ഉടമ രവീന്ദ്രന്, പൂവള്ളി രാജേഷ്, രാജീവന്, മനോജ്, അശ്വിന്, ദാമോദരന് എന്നിവര്ക്കും കണ്ടാലറിയുന്ന 26 പേര്ക്കെതിരെയുമാണ് നിലവില് കേസ് എടുത്തിരിക്കുന്നത്.
പകര്ച്ചവ്യാധി നിയന്ത്രണ നിയമം ഉള്പ്പെടെ വിവിധ വകുപ്പുകള് ചുമത്തിയാണ് ഇവര്ക്കെതിരെ കേസെടുത്തിരിക്കുന്നത്. ബിജെപി നിയോജകമണ്ഡലം പ്രസിഡന്റും തലശേരി നഗരസഭാംഗവുമായ കെ.ലിജേഷിന്റെ പരാതിയിലാണ് നടപടി.
