ചടയമംഗലം: ചടയമംഗലത്ത് ആരംഭിച്ച പുതിയ സബ്ബ് ആര്ടി ഓഫീസിന്റെ ഉദ്ഘാടനം മുഖ്യമന്ത്രി പിണറായി വിജയന് വീഡിയോ കോണ്ഫറന്സിലൂടെ നിര്വ്വഹിച്ചു. ഏറെ നാളത്തെ കാത്തിരിപ്പിനൊടുവിലാണ് ചടയമംഗലത്ത് സബ്ബ് റീജിയണല് ട്രാന്സ്പോര്ട്ട് ഓഫീസ് യാഥാര്ഥ്യമായിരിക്കുന്നത്.
കൊട്ടാരക്കര താലൂക്കിനെ വിഭജിച്ച് പുതിയ സബ് ആര്ടി ഓഫീസ് കടയ്ക്കല്, നിലമേല് എന്നിവിടങ്ങളില് മാറ്റാന് ശ്രമം നടന്നിരുന്നു. കിഴക്കന് മേഖലകളായ കടയ്ക്കല്, ചിതറ, കുമ്മിള്, മടത്തറ പ്രദേശങ്ങളിലുള്ളവര്ക്ക് ആര്ടിഓഫീസ് സംബന്ധമായ ആവശ്യങ്ങള്ക്ക് കൊട്ടാരക്കര പോകേണ്ടിയിരുന്നത് ഇനി ഒഴിവാകും. വാഹനങ്ങള് പുതുതായി രജിസ്റ്റര് ചെയ്യുന്നവര്ക്ക് കെഎല്-82 എന്ന പുതിയ രജിസ്ട്രേഷന് കോഡിലാവും ലഭിക്കുക.
