തൃശൂര്‍: മാള പുത്തന്‍ചിറയില്‍ ഭാര്യയെ ഭര്‍ത്താവ് കഴുത്തുഞെരിച്ചു കൊലപ്പെടുത്തി. പുത്തന്‍ചിറ സ്വദേശിനി കടമ്പോട്ട് സുബൈറിന്റെ മകള്‍ റഹ്മത്ത് (30) ആണ് മരിച്ചത്. ഭര്‍ത്താവ് പറവൂര്‍ വടക്കേക്കര സ്വദേശി ഷംസീറിനെ (40) പോലീസ് അറസ്റ്റ് ചെയ്തു. കൊലപാതകം നടത്തിയ ശേഷം ഷംസാദ് രണ്ടു മക്കളെയും കൊണ്ട് പറവൂരിലെ വീട്ടിലേക്ക് പോയി. മക്കളെ അവിടെയാക്കി തിരികെ പുത്തന്‍ചിറയിലേക്ക് തിരിച്ചെങ്കിലും പാതിവഴിയില്‍ പറവൂരിലേക്ക് മടങ്ങി. ഇയാള്‍ പറവൂരിലെ കുടുംബാംഗങ്ങളോട് താന്‍ കുറ്റകൃത്യം ചെയ്ത വിവരം പറഞ്ഞിരുന്നത്രേ. ഇവരാണ് സമീപവാസികളെ വിളിച്ച് അന്വേഷിക്കാന്‍ പറഞ്ഞത്. സമീപവാസിയായ പോലീസ് ഉദ്യോഗസ്ഥ വീടിനകത്തു കയറി നോക്കിയപ്പോഴാണ് യുവതി മരിച്ചു കിടക്കുന്നത് കണ്ടത്.
തുടര്‍ന്ന് മാള പോലീസില്‍ വിവരം അറിയിച്ചു. ഇതിനിടയില്‍ ഷംസാദ് വടക്കേക്കര സ്റ്റേഷനിലെ ഒരു ഉദ്യോഗസ്ഥന്റെ അടുത്തെത്തി വിവരം പറഞ്ഞു. ഈ ഉദ്യോഗസ്ഥന്‍ തന്ത്രപൂര്‍വം ഷംസാദിനെ വടക്കേക്കര സ്റ്റേഷനില്‍ എത്തിച്ചു. തുടര്‍ന്ന് ഇന്‍സ്പെക്ടറുടെ നേതൃത്വത്തില്‍ പോലീസ് വടക്കേക്കരയിലെത്തി ഇയാളെ കസ്റ്റഡിയിലെടുത്തു.ഇയാളുമായി തെളിവെടുപ്പിനു പുത്തന്‍ചിറയിലെത്തി. ഇതേസമയം റഹ്മത്തിന്റെ ബന്ധുക്കളും നാട്ടുകാരും പ്രതിക്ക് നേരെ ആക്രോശവുമായി അടുത്തു. ഫൊറന്‍സിക്, വിരലടയാള വിദഗ്ധര്‍ എത്തി തെളിവുകള്‍ ശേഖരിച്ചു.
കൊലക്കു കാരണം കുടുംബ വഴക്ക്
ഷംസീര്‍ കുറച്ചു നാള്‍ ഗള്‍ഫിലായിരുന്നു. പിന്നീട് നാട്ടിലെത്തി മത്സ്യകച്ചവടം തുടങ്ങി. മത്സ്യം വാങ്ങുന്നവരോട് ഇയാള്‍ സൗഹാര്‍ദ്ദപരമായിരുന്നു പെരുമാറിയിരുന്നത്. കുടുംബ വഴക്കും ഷംസിറീന്റെ മദ്യപാനവുമാണ് കൊലക്കു കാരണമെന്ന് പോലീസ് പറഞ്ഞു.
പ്രതികരിക്കാൻ ഇവിടെ എഴുതുക: