തൃശൂര്‍: സര്‍ക്കാര്‍ ജീവനക്കാരുടെ ശമ്പളം മൂന്നാമതും പിടിച്ചെടുക്കാനുള്ള സംസ്ഥാന സര്‍ക്കാരിന്റെ തൊഴിലാളി വിരുദ്ധ നടപടിക്കെതിരെ എന്‍ജിഒ സംഘ് ജില്ലാ സമിതിയുടെ നേതൃത്വത്തില്‍ കളക്‌ട്രേറ്റിനു മുന്നില്‍ പ്രതിഷേധ യോഗം നടത്തി. എന്‍ജിഒ സംഘ് സംസ്ഥാന വ്യാപകമായി സംഘടിപ്പിക്കുന്ന പ്രതിഷേധ വാരാചരണത്തിന്റെ ഭാഗമായി നടത്തിയ പൊതുയോഗം സംസ്ഥാന ജോയിന്റ് സെക്രട്ടറി എന്‍.എ അനില്‍കുമാര്‍ ഉദ്ഘാടനം ചെയ്തു.
സംസ്ഥാനത്തെ ജീവനക്കാരുടെ ശമ്പളത്തിന് തൂക്കുകയറാണെന്നും ഇക്കാരണത്താല്‍ ജീവനക്കാര്‍ ആത്മഹത്യാ മുനമ്പിലാണെന്നും അദ്ദേഹം പറഞ്ഞു. ജില്ലാ പ്രസിഡന്റ് വി.വിശ്വകുമാര്‍ അധ്യക്ഷനായി. സംസ്ഥാന സെക്രട്ടറി കെ.എം രാജീവ്, ഫെറ്റോ ജില്ലാ സെക്രട്ടറി എം.കെ നരേന്ദ്രന്‍, ടി.ബി ഭുവനേശ്വര്‍, കെ.പി കൃഷ്ണദാസ്, എന്‍ജിഒ സംഘ് വനിതാ വിഭാഗം സംസ്ഥാന സെക്രട്ടറി മഞ്ജുളാ സുനില്‍ എന്നിവര്‍ പ്രസംഗിച്ചു. എം.രാജഗോപാലന്‍, വി.ഹരികുമാര്‍, സി.ശരത്കുമാര്‍, ജയന്‍ പൂമംഗലം, സുബ്രഹ്മണ്യന്‍, പ്രശാന്ത് എന്നിവര്‍ പ്രകടനത്തിന് നേതൃത്വം നല്‍കി.
പ്രതികരിക്കാൻ ഇവിടെ എഴുതുക: