ബെംഗളൂരു: ഇന്ത്യയുടെ സാറ്റലൈറ്റ് സംവിധാനങ്ങളില് ആര്ക്കും എത്തിപ്പെടാന് കഴിയില്ലെന്ന് ഐഎസ്ആര്ഒ. ഇന്റര്നെറ്റ് ഉള്പ്പെടെ പൊതുസഞ്ചയവുമായി യാതൊരു ബന്ധവുമില്ലാത്ത സ്വതന്ത്രവും ഒറ്റപ്പെട്ടതുമായ നെറ്റ്വര്ക്ക് സംവിധാനമാണ് ഇന്ത്യക്ക് ഉള്ളതെന്നും ഐഎസ്ആര്ഒ മേധാവി കെ. ശിവന് അറിയിച്ചു.
സൈബര് ആക്രമണങ്ങള് നിരന്തരമായ ഭീഷണി ഉയര്ത്തുന്നുണ്ട്. ചൈന ആക്രമിക്കാന് ശ്രമിച്ചെങ്കിലും അവര് പരാജയപ്പെടുകയാണ്. ചൈനീസ് ആക്രമണങ്ങളോട് വിജയകരമായി പൊരുതി നില്ക്കുകയാണെന്നും ഐഎസ്ആര്ഒ ചെയര്മാന് അറിയിച്ചു.
ഇന്ത്യയുടെ ബഹിരാകാശ പദ്ധതികളെ ചൈനീസ് ഹാക്കര്മാര് ആക്രമിക്കുന്നതായി അമേരിക്കയുടെ റിപ്പോര്ട്ട് പുറത്തുവന്നതിനോട് പ്രതികരിക്കുകയായിരുന്നു അദ്ദേഹം. 2012 മുതല് 2018 വരെ ചൈനീസ് ഹാക്കര്മാര് ഇത്തരത്തില് നുഴഞ്ഞു കയറാന് പരിശ്രമിച്ചിരുന്നുവെന്ന് അമേരിക്ക ആസ്ഥാനമായ ചൈന എയ്റോ സ്പേസ് സ്റ്റഡീസ് ഇന്സ്റ്റിറ്റിയൂട്ടാണ് റിപ്പോര്ട്ട് ചെയ്തത്.
ശത്രുരാജ്യത്തിന്റെ ചാര ഉപഗ്രഹങ്ങളെ ബഹിരാകാശത്ത് വച്ച് തകര്ക്കാന് കഴിയുന്ന സാറ്റ്ലൈറ്റ് മിസൈല് വേധസംവിധാനം ഇന്ത്യ വികസിപ്പിച്ചിരുന്നു. ഇതിനെയാണ് ചൈനീസ് ഹാക്കര്മാര് ഒടുവില് ലഭ്യമിട്ടതെന്നും റിപ്പോര്ട്ടില് പറഞ്ഞിരുന്നു. അത്ര പെട്ടെന്ന് ഇന്ത്യയുടെ സാറ്റലൈറ്റ് സംവിധാനങ്ങളില് എത്തിപ്പെടാന് സാധിക്കില്ലെന്ന് കെ. ശിവന് പറഞ്ഞു.
