ജിദ്ദ: സൗദി കിരീടാവകാശിയെ വിമര്‍ശിക്കുന്ന വീഡിയോ നീക്കം ചെയ്തതിന് പകരമായി അശ്ശീല ഉള്ളടക്കങ്ങള്‍ ഉള്ള ഷോകള്‍ സംപ്രേക്ഷണം ചെയ്യാന്‍ അനുമതി നല്‍കിയെന്ന് റിപ്പോര്‍ട്ട്. മുസ്ലീംമിററാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്.
സൗദി കിരീടാവകാശി മുഹമ്മദ് ബിന്‍ സല്‍മാനെ പ്രതിക്കൂട്ടില്‍ നിര്‍ത്തുന്ന ‘പാട്രിയറ്റ് ആക്റ്റിന്റെ’ എപ്പിസോഡ് നീക്കം ചെയ്തതിന് പ്രത്യുപകാരമായാണ് അശ്ലീല ഷോകള്‍ സംപ്രേക്ഷണം ചെയ്യാന്‍ അനുമതി നല്‍കിയതെന്ന് www.maeeshat.in റിപ്പോര്‍ട്ട് ചെയ്യുന്നു. ഇക്കാര്യം നെറ്റ്ഫ്ളിക്സും സ്ഥിരീകരിച്ചിട്ടുണ്ടെന്ന് ഇവര്‍ റിപ്പോര്‍ട്ട് ചെയ്യുന്നുണ്ട്.
മാധ്യമ പ്രവര്‍ത്തകനായ ജമാല്‍ ഖഷഗ്ജിയുടെ വധത്തില്‍ മുഹമ്മദ് ബിന്‍ സല്‍മാനെ കടന്നാക്രമിക്കുന്ന ഹസന്‍ മിന്‍ഹാജിന്റെ കോമഡി ഷോ അഭ്യര്‍ത്ഥനമാനിച്ച് നെറ്റ്ഫ്ലിക്സ് പിന്‍വലിച്ചിരുന്നു. ഇതിനു പകരമായ സൗദിയില്‍ ‘ക്വീന്‍ ഐ’, ‘സെക്സ് എഡ്യൂക്കേഷന്‍’, ‘ഓറഞ്ച് ഈസ് ദ ന്യൂ ബ്ലാക്ക്’ തുടങ്ങിയ അശ്ലീല ഉള്ളടക്കമുള്ള ഷോകള്‍ സംപ്രേക്ഷണം ചെയ്യാന്‍ സൗദി സമ്മതിച്ചെന്ന് നെറ്റ്ഫ്ളിക്സ് സഹ സിഇഒ റീഡ് ഹാസ്റ്റിങ്സ് വ്യക്തമാക്കിയെന്നും മുസ്ലീം മിറര്‍ റിപ്പോര്‍ട്ട് ചെയ്യുന്നു.
അശ്ലീല സൈറ്റുകള്‍ക്ക് കര്‍ശന വിലക്കുള്ള രാജ്യമാണ് സൗദി. ഇത്തരം സൈറ്റുകള്‍ സന്ദര്‍ശിക്കുന്നവര്‍ക്ക് കടുത്ത ശിക്ഷയാണ് നല്‍കുക. എല്ലാ വിധത്തിലുള്ള പോണ്‍ സൈറ്റുകളും സൗദിയില്‍ നിരോധിച്ചതാണ്. ചില സോഫ്റ്റ് വെയറുകള്‍ ഉപയോഗിച്ചാണ് മറ്റൊരു രാജ്യത്തെന്ന രീതിയില്‍ സൗദിയില്‍ പലരും അശ്ലീല സൈറ്റുകള്‍ തുറക്കുന്നത്. ഇതു കണ്ടെത്താന്‍ എളുപ്പത്തില്‍ കഴിയും. ഇത്തരത്തില്‍ പിടികൂടുന്നവര്‍ക്ക് അഞ്ചുവര്‍ഷം വരെ തടവും വന്‍ തുക പിഴയും ലഭിക്കിക്കുക. ഇങ്ങനെയുള്ള നിയമം നിലനില്‍ക്കുമ്പോഴാണ് പുതിയ തീരുമാനം ഉണ്ടായിരിക്കുന്നത്. ഇതിനെതിനെ കാന്‍സല്‍നെറ്റ്ഫ്‌ളിക്ക് ക്യാമ്പയില്‍ ട്വിറ്ററില്‍ നടക്കുന്നുണ്ട്.
പ്രതികരിക്കാൻ ഇവിടെ എഴുതുക