ന്യൂദല്‍ഹി: പതിമൂന്നാമത് ഇന്ത്യന്‍ പ്രീമിയര്‍ ലീഗില്‍ മുംബൈ ഇന്ത്യന്‍സ് കിരീടം നേടുമെന്ന് സച്ചിന്‍ ടെന്‍ഡുല്‍ക്കര്‍.ഒരു സംശയവുമില്ല. ഇത്തവണ മുംബൈന്‍ ഇന്ത്യന്‍സ് തന്നെ ചാമ്പ്യന്മാരാകുമെന്ന് സച്ചിന്‍ പറഞ്ഞു. മുന്‍ ഇന്ത്യന്‍ ഓപ്പണര്‍ ആകാശ് ചോപ്രയുമായുള്ള അഭിമുഖത്തില്‍ സംസാരിക്കുകയായിരുന്നു സച്ചിന്‍.
സന്തുലിതമായ ടീമായ ദല്‍ഹി ക്യാപിറ്റല്‍സ് മുംബൈ ഇന്ത്യന്‍സിന് ഭീഷണിയാകുമോയെന്ന ചോദ്യത്തിന് എല്ലാ ടീമുകളും സന്തുലിതമാണെന്ന് സച്ചിന്‍ മറുപടി നല്കി. ആറു സീസണില്‍ മുംബൈ ഇന്ത്യന്‍സിനായി കളിച്ച താരമാണ് സച്ചിന്‍. കഴിഞ്ഞ സീസണ്‍വരെ ഉപദേഷ്ടാവായി ടീമിനൊപ്പം ഉണ്ടായിരുന്നു. എന്നാല്‍ ഈ സീസണില്‍ സച്ചിന്‍ ടീമിനൊപ്പം ഇല്ല. നിലവില്‍ യുഎഇയിലുള്ള ടീമിനൊപ്പം ചേരാന്‍ സാധ്യതയില്ലെന്ന് സച്ചിന്‍ വെളിപ്പെടുത്തി.
നിലവിലെ ചാമ്പ്യന്മാരാണ് മുംബൈ ഇന്ത്യന്‍സ്. കഴിഞ്ഞ സീസണില്‍ ചെന്നൈ സൂപ്പര്‍ കിങ്‌സിനെ തോല്‍പ്പിച്ചാണ് അവര്‍ കിരീടം നേടിയത്.
പ്രതികരിക്കാൻ ഇവിടെ എഴുതുക: