ചിറയിൻകീഴ് : മുതലപ്പൊഴിയിൽ വീണ്ടും ബോട്ട് അപകടം. മുതലപ്പൊഴി അഴിമുഖത്ത് ഇന്ന് രാവിലേയാണ് ശക്തമായ തിരയിൽപെട്ട് ബോട്ട് മറിഞ്ഞത്ത്. 3 പേർ ഉണ്ടായിരുന്നു. രണ്ടു പേർ നീന്തി കരയിൽ എത്തിയെങ്കിലും ഒരാളെ കാണാനില്ല.
ചെറിയഴിക്കല്‍ സ്വദേശി സജിനെയാണ് കാണാതായത്. മത്സ്യബന്ധനത്തിന് പോയ ബോട്ട് ശക്തമായ തിരയും കാറ്റും കാരണം തിരിച്ചു കരയിലേക്ക് വരവേയാണ് അഴിമുഖത്ത് വെച്ച് അപകടമുണ്ടായത്. കഴിഞ്ഞ ഒരാഴ്ചയ്‌ക്കിടെ നിരവധി അപകടങ്ങളാണ് ഇവിടെ നടന്നത്.
ഈ മാസം ഒൻപതിന് നടന്ന അപകടത്തില്‍ മൂന്ന് പേർക്ക് ജീവന്‍ നഷ്ടമായിരുന്നു. തീരത്തിന് വിളിപ്പാടകലെ ഇവര്‍ എത്തിയിരുന്നെങ്കിലും ശക്തമായ കാറ്റിലും തിരയിലും ബോട്ട് മറിഞ്ഞ് ബോട്ട് ഉടമ അലക്‌സ്, തങ്കച്ചന്‍ ഏലിയാസ്, മാടന്‍വിളാകം സ്വദേശി പ്രവീണ്‍ എന്നിവരാണ് മരിച്ചത്. ബോട്ട് പൂര്‍ണമായി തകര്‍ന്നു.
കഴിഞ്ഞ ദിവസം അഞ്ചുതെങ്ങ് മുതലപ്പൊഴിയില്‍ മത്സ്യബന്ധനം കഴിഞ്ഞ് മടങ്ങിയ ബോട്ടിന്റെ എന്‍ജിന്‍ തിരയില്‍പെട്ട് അപകടമുണ്ടായിരുന്നു. ബോട്ടിലുണ്ടായിരുന്ന രണ്ടുപേരും പരിക്കേറ്റ് ചികിത്സയിലാണ്.
പ്രതികരിക്കാൻ ഇവിടെ എഴുതുക: