ലഖ്നൗ: ഉത്തര്പ്രദേശില് ലൗ ജിഹാദ് സംഭവങ്ങള് ആവര്ത്തിക്കുന്ന സാഹചര്യത്തില് മതപരിവര്ത്തനം കുറ്റമാക്കുന്ന പ്രത്യേക ഓര്ഡിനന്സ് പുറപ്പെടുവിക്കാന് ഒരുങ്ങി മുഖ്യമന്ത്രി യോഗി ആദിത്യനാഥ്. ഹിന്ദുസമൂഹത്തേയും മറ്റ് മതവിഭാഗങ്ങളേയും ഇസ്ലാമിക തീവ്രവിഭാഗങ്ങള് ചതിയില്പ്പെടുത്തി മതംമാറ്റുന്ന നിരവധി സംഭവങ്ങള് ശ്രദ്ധയില്പെട്ടിട്ടുണ്ടെന്നും ഇതിനെതിരെയാണ് ഓര്ഡിനന്സ് കൊണ്ടുവരുന്നതെന്നും യോഗി ആദിത്യനാഥ് അറിയിച്ചു.
ലൗ ജിഹാദ് സംഭവങ്ങള് റിപ്പോര്ട്ടു ചെയ്ത സമയത്ത് അന്വേഷണത്തിന് പ്രത്യേക സംഘത്തെ നിയോഗിച്ചിരുന്നു. മതപരിവര്ത്തനം നിരോധിക്കാനുള്ള നയത്തിന്റെ രൂപരേഖ തയാറാക്കുകയാണെന്നും കര്ശനമായി തടയാന് പാകത്തിനുള്ള ഓര്ഡിനന്സാണ് അവതരിപ്പിക്കുന്നതെന്നും യോഗി പറഞ്ഞു.
കാണ്പൂര് ജില്ലയില് നിന്നു മാത്രം 11 സംഭവങ്ങള് തുടര്ച്ചയായി റിപ്പോര്ട്ടു ചെയ്തതോടെയാണ് യുപി സര്ക്കാര് കടുത്ത നടപടികളിലേക്ക് നീങ്ങുന്നത്. മതം മാറാന് ഒരു വ്യക്തിയെ ഏതു തരത്തില് നിര്ബന്ധിച്ചാലും സമ്മര്ദ്ദം ചെലുത്തിയാലും കടുത്ത ശിക്ഷയുടെ പരിധിയില്പ്പെടുത്തിയാണ് ഓര്ഡിനന്സ് കൊണ്ടു വരുന്നത്.
ജന്മഭൂമി ഓണ്ലൈന്