തൃശൂര്: കള്ളന്മാര്ക്കും കൊള്ളക്കാര്ക്കും ഒത്താശ ചെയ്യുന്ന സര്ക്കാരാണ് സംസ്ഥാനം ഭരിക്കുന്നതെന്ന് ബിഡിജെഎസ് സംസ്ഥാന ജനറല് സെക്രട്ടറി വി.ഗോപകുമാര്. സ്വര്ണക്കള്ളക്കടത്തിന് ഒത്താശ നല്കിയ മന്ത്രി കെ.ടി ജലീല് രാജിവെക്കണമെന്നാവശ്യപ്പെട്ട് എന്ഡിഎ ജില്ലാ കമ്മിറ്റിയുടെ നേതൃത്വത്തില് കളക്ടറേറ്റിന് മുന്നില് നടത്തിയ ധര്ണ ഉദ്ഘാടനം ചെയ്യുകയായിരുന്നു അദ്ദേഹം.
കള്ളക്കടത്ത് നടത്തുന്നവരെ സര്ക്കാര് സഹായിക്കുകയും സംരക്ഷിക്കുകയുമാണ്. സ്വര്ണ്ണക്കടത്തുമായി ബന്ധപ്പെട്ട് മന്ത്രിമാരുടെ മക്കള്ക്കുള്ള ബന്ധത്തെക്കുറിച്ചും അന്വേഷിക്കണം. മന്ത്രി ജലീല് രാജിവെക്കണമെന്നാവശ്യപ്പെട്ട് എന്ഡിഎ നടത്തുന്ന സമരത്തെ അടിച്ചമര്ത്താമെന്ന് കരുതേണ്ട. സര്ക്കാര് അങ്ങനെ വിചാരിക്കുന്നുണ്ടെങ്കിലത് മലര്പ്പൊടിക്കാരന്റെ സ്വപ്നമാണ്.
ബിജെപി ജില്ലാ പ്രസിഡന്റ് അഡ്വ.കെ.കെ അനീഷ്കുമാര് അധ്യക്ഷനായി. സംസ്ഥാന വക്താവ് അഡ്വ.ബി ഗോപാലകൃഷ്ണന് മുഖ്യപ്രഭാഷണം നടത്തി. ബിജെപി സംസ്ഥാന സെക്രട്ടറി എ.നാഗേഷ്, മധ്യ മേഖലാ ജനറല് സെക്രട്ടറി അഡ്വ.രവികുമാര് ഉപ്പത്ത്, ബിഡിജെഎസ് സംസ്ഥാന വൈസ് പ്രസിഡന്റ് അഡ്വ.സംഗീത വിശ്വനാഥ്, ജില്ലാ പ്രസിഡന്റ് ശ്രീലാല്, എന്ഡിഎ നേതാക്കളായ സുജയ്സേനന്, സുരേന്ദ്രന് അയിനിക്കുന്നത്ത്, ഡോ.ആതിര, രഘുനാഥ് സി.മേനോന്, ലോചനന്, വിനയകുമാര്, കെ.എസ് വിനോദ്, ടോണി ചാക്കോള എന്നിവര് പ്രസംഗിച്ചു.
