ന്യൂദല്‍ഹി: അജിങ്ക്യ രഹാനെ, ഋഷഭ് പന്ത്, ശ്രേയസ് അയ്യര്‍, രവിചന്ദ്രന്‍ അശ്വിന്‍, ശിഖര്‍ ധവാന്‍, ഇഷാന്ത് ശര്‍മ തുടങ്ങി യുവത്വവും പരിചയസമ്പത്തും ഇടകലര്‍ന്ന ഇന്ത്യന്‍ താരങ്ങളുടെ സാമ്രാജ്യമാണ് ദല്‍ഹി ക്യാപിറ്റല്‍സ്. ബാറ്റിങ്ങിലും ബൗളിങ്ങിലും മികച്ച താരങ്ങളുടെ സാന്നിധ്യം ദല്‍ഹിക്കുണ്ട്. പല താരങ്ങളെയും പരീക്ഷിക്കാനും ടീമിനെ അഴിച്ചുപണിയാനുമുള്ള സാധ്യതയാണ് ദല്‍ഹിയെ വ്യത്യസ്തമാക്കുന്നത്.
ശിമ്രോണ്‍ ഹേറ്റ്മയര്‍, കഗീസോ റബാഡ, അലക്‌സ് കാരി, മാര്‍കസ് സ്‌റ്റോയ്‌നിസ്, ജേസണ്‍ റോയ് എന്നീ വിദേശ താരങ്ങളും ടീമിന് കരുത്തുപകരും. പ്രിഥ്വി ഷായും ശിഖര്‍ ധവാനുമാകും ടീമിന്റെ ഓപ്പണര്‍മാര്‍. ശ്രേയസ് അയ്യര്‍, അജിങ്ക്യ രഹാനെ, ശിമ്രോണ്‍ ഹോറ്റ്മയര്‍, മാര്‍കസ് സ്‌റ്റോയിനിസ്, ഋഷഭ് പന്ത് എന്നിവര്‍ മധ്യനിരയിലിറങ്ങും.
കഗീസോ റബാഡയും ഇഷാന്ത് ശര്‍മയുമാകും പേസ് നിരയെ നയിക്കുക. അക്‌സര്‍ പട്ടേലും അമിത് മിശ്രയും സ്പിന്‍ നിരയ്‌ക്ക് കരുത്താകും.
പ്രതികരിക്കാൻ ഇവിടെ എഴുതുക: