സതാംപ്റ്റണ്‍: ഓപ്പണര്‍ ജോസ് ബട്‌ലറുടെ അടിപൊളി ബാറ്റിങ്ങില്‍ ഇംഗ്ലണ്ടിന് ടി 20 പരമ്പര. രണ്ടാം മത്സരത്തില്‍ ഓസീസിനെ ആറു വിക്കറ്റിന് പരാജയപ്പെടുത്തിയാണ് ആതിഥേയര്‍ മൂന്ന് മത്സരങ്ങളുടെ പരമ്പരയില്‍ അനിഷേധ്യ ലീഡ് (2-0) സ്വന്തമാക്കിയത്. അവസാന മത്സരം ഇന്ന് സതാംപ്റ്റണില്‍ നടക്കും.
തുടക്കം മുതല്‍ ഓസീസ് ബൗളിങ്‌നിരയെ അടിച്ചൊതുക്കിയ ബട്‌ലര്‍ 54 പന്തില്‍ 77 റണ്‍സുമായി കീഴടങ്ങാതെ നിന്നു. എട്ട് ഫോറും രണ്ട് സിക്‌സറും ഉള്‍പ്പെട്ട ഇന്നിങ്ങ്‌സ്. ബട്‌ലറുടെ മികവില്‍ ഇംഗ്ലണ്ട്, ഓസ്‌ട്രേലിയ മുന്നോട്ടുവച്ച 158 റണ്‍സ് വിജയലക്ഷ്യം 18.5 ഓവറില്‍ നാലു വിക്കറ്റ് നഷ്ടത്തില്‍ മറികടന്നു. ആദ്യം ബാറ്റേന്തിയ ഓസ്‌ട്രേലിയ 20 ഓവറില്‍ ഏഴു വിക്കറ്റിന് 157 റണ്‍സാണെടുത്തത്.
പ്രതികരിക്കാൻ ഇവിടെ എഴുതുക: