മാനന്തവാടി: ലേബര്‍ റൂമില്‍ പ്രവേശിപ്പിച്ച വനവാസി യുവതി ബാത്ത്‌റൂമില്‍ പ്രസവിച്ചു. കഴിഞ്ഞ ദിവസമാണ് സംഭവം.കുഞ്ഞോം കല്ലറ കോളനിയിലെ മുത്തു (20) ആണ് ബാത്ത്‌റൂമില്‍ വെച്ച് കുഞ്ഞിന് ജന്മം നല്‍കിയത്.
ജില്ലാ ആശുപത്രിയുടെ സാറ്റലൈറ്റ് സെന്ററായ മാനന്തവാടി സെന്റ് ജോസഫ്‌സ് ആശുപത്രിയിലാണ് കഴിഞ്ഞ ദിവസം സംഭവം നടന്നത്. കഴിഞ്ഞ ദിവസമാണ് പ്രസവ വേദനയെ തുടര്‍ന്ന് മുത്തുവിനെ ആശുപത്രിയിലെത്തിച്ചത്.
ഉടനടി യുവതിയെ ലേബര്‍ റൂമിലേക്ക് മാറ്റുകയായിരുന്നു. അവിടെ വെച്ച് ബാത്ത്‌റൂമില്‍ പോകണമെന്ന് യുവതി ആവശ്യപ്പെടുകയും അവിടെയെത്തി വാതില്‍ കുറ്റിയിടുകയും ചെയ്തു. പിന്നീട് നഴ്‌സുമാര്‍ കേള്‍ക്കുന്നത് കുട്ടിയുടെ കരച്ചിലായിരുന്നു. ഉടന്‍ നഴ്‌സുമാര്‍ വാതിലില്‍ മുട്ടിയതിനെ തുടര്‍ന്ന് തുറന്നപ്പോള്‍ കൈയ്യില്‍ കുഞ്ഞുമായി നില്‍ക്കുന്ന യുവതിയെയാണ് നഴ്‌സുമാര്‍ കണ്ടത്. അമ്മയും കുഞ്ഞും സുഖമായിരിക്കുന്നു.
പ്രതികരിക്കാൻ ഇവിടെ എഴുതുക: