തൃശൂര്‍: ചാലക്കുടി മൂഞ്ഞേലിയില്‍ യുവാവിനെ ആക്രമിച്ച് പരിക്കേല്‍പിച്ച സംഭവത്തില്‍ ഒരാളെ ചാലക്കുടി പോലീസ് പിടികൂടി. ചാലക്കുടി തിരുത്തിപറമ്പ് തച്ചനാടന്‍ വീട്ടില്‍ ഗിരീഷ് (48) ആണ് അറസ്റ്റിലായത്.
കഴിഞ്ഞ മാസം 2നാണ് കേസിനാസ്പദമായ സംഭവം നടന്നത്. അക്രമിസംഘത്തിലെ ഒരാള്‍ക്ക് യുവാവിനോട് ഉള്ള വൈരാഗ്യം മൂലം പടിഞ്ഞാറെ ചാലക്കുടിയിലുള്ള ഒരു കടയില്‍ വച്ച് യുവാവിനെ സംഘം ചേര്‍ന്ന് മര്‍ദ്ദിക്കുകയായിരുന്നു. തുടര്‍ന്ന് യുവാവിന്റെ മൊബൈല്‍ ഫോണ്‍ നശിപ്പിക്കുകയും കൊല്ലുമെന്ന് ഭീഷണി മുഴക്കുകയും ചെയ്തിരുന്നു. കേസിലെ മറ്റു പ്രതികള്‍ ഉടന്‍ തന്നെ പിടിയിലാകുമെന്നും ഡിവൈഎസ്പി സി.ആര്‍. സന്തോഷ് അറിയിച്ചു.
അറസ്റ്റ് ചെയ്യാനും അന്വേഷണ സംഘത്തിലും ചാലക്കുടി സിഐ കെ.എസ്. സന്ദീപ്, എസ്ഐ എം.എസ്. ഷാജന്‍, എഎസ്ഐമാരായ ജിനുമോന്‍ തച്ചേത്ത്, ജയ്സന്‍ .ടി.എ, റോയ് പൗലോസ്, സതീശന്‍ മടപ്പാട്ടില്‍, മൂസ .പി.എം, സീനിയര്‍ സിവില്‍ പോലീസ് ഓഫീസര്‍മാരായ സില്‍ജോ.വി.യു, എ.യു. റെജി ,ഷിജോ തോമസ് എന്നിവരും ഉണ്ടായിരുന്നു. മുന്‍പും മാള, ചാലക്കുടി, ആളൂര്‍ മുതലായ സ്റ്റേഷനുകളില്‍ വധശ്രമ കേസുകളിലും അടിപിടി കേസുകളിലും പ്രതിയാണ് പിടിയിലായ ഗിരീഷ്. കൊറോണ പ്രോട്ടോകോള്‍ നടപടിക്രമങ്ങള്‍ പാലിച്ച് പ്രതിയെ കോടതിയില്‍ ഹാജരാക്കി.
പ്രതികരിക്കാൻ ഇവിടെ എഴുതുക: