ന്യൂദല്‍ഹി: ബ്രസീലിയന്‍ മിഡ്ഫീല്‍ഡര്‍ അലെക്‌സാന്ദ്രെ മൊണ്‍ടീരോ ഡി ലിമയെ ഇന്ത്യന്‍ സൂപ്പര്‍ ലീഗ് ടീമായ ജംഷഡ്പൂര്‍ എഫ്‌സി സ്വന്തമാക്കി. അടുത്ത സീസണിലേക്കുളള ജംഷഡ്പൂരിന്റെ നാലാമത്തെ വിദേശതാരമാണ്.
അലക്‌സ് എന്ന് അറിയപ്പെടുന്ന ലിമ ദക്ഷിണ കൊറിയയിലെകെ ലീഗില്‍ സുവോന്‍ എഫ്‌സി, എഫ്‌സി അന്‍യാഗ് എന്നീ ടീമുകള്‍ക്കും വിയറ്റ്‌നാമിലെ വി ലീഗ് ഒന്നില്‍ ഹോ ചി മിന്‍ സിറ്റി എഫ്‌സിക്കായും കളിച്ചിട്ടുണ്ട്. കരിയറിലെ ഇതുവരെ 337 മത്സരങ്ങള്‍ കളിച്ചു. 43 ഗോളുകള്‍ നേടി. 23 ഗോളുകള്‍ക്ക് വഴിയൊരുക്കുകയും ചെയ്തു.
പ്രതികരിക്കാൻ ഇവിടെ എഴുതുക: