ദുല്ഖര് സല്മാന് നിര്മ്മിച്ച ‘മണിയറയിലെ അശോകന്’ ഓണത്തിന് ഓണ്ലൈന് റിലീസ് ചെയ്യും. നെറ്റ്ഫ്ളിക്സ് വഴിയാണ് ഒടിടി റിലീസ് ചെയ്യുക. നവാഗതനായ ഷംസു സായ്ബാ സംവിധാനം നിര്വഹിക്കുന്ന ചിത്രത്തില് ഗ്രിഗറിയും അനുപമ പരമേശ്വരനുമാണ് മുഖ്യവേഷങ്ങള് അവതരിപ്പിക്കുന്നത്.െ
ഷൈന് ടോം ചാക്കോ, കൃഷ്ണശങ്കര്, വിജയരാഘവന്, ഇന്ദ്രന്സ്, സുധീഷ്, ശ്രീലക്ഷ്മി, നയന, ശ്രീദ ശിവദാസ് എന്നിങ്ങനെ വലിയൊരു താരനിര തന്നെ സിനിമയില് അണിനിരക്കുന്നുണ്ട്. വിനീത് കൃഷ്ണന്റേതാണ് തിരക്കഥ. സജാദ് കാക്കു ഛായാഗ്രഹണവും അപ്പു ഭട്ടതിരി എഡിറ്റിങ്ങും നിര്വ്വഹിച്ചിരിക്കുന്നു. ശ്രീഹരി കെ നായര് സംഗീതം. ഷിയാസ് അമ്മദ്കോയയുടേതാണ് വരികള്. മലയാളത്തിലെ രണ്ടാമത്തെ ഒടിടി റിലീസ് ആണ് മണിയറയിലെ അശോകന്.
ഒരു കല്യാണം കഴിക്കാനുള്ള അശോകന്റെ കഷ്ടപ്പാടാണ് ചിത്രം പറയുന്നതെന്ന് ഇന്നു പുറത്തിറങ്ങിയ ട്രെയിലര് സൂചന നല്കുന്നു. 2 മിനിട്ട് ദൈര്ഘ്യമുള്ള ട്രെയിലറില് കഥാപാത്രങ്ങളെല്ലാവരും മുഖം കാണിക്കുന്നുണ്ട്.
