തൃശൂര്: ജില്ലയിലെ പുതിയ കണ്ടൈന്മെന്റ് സോണുകള്: തൃക്കൂര് ഗ്രാമപഞ്ചായത്ത് വാര്ഡ് 16 (തൃക്കൂര് കൊല്ലക്കുന്ന് ഗാന്ധിനഗര് കോളനി), കാടുകുറ്റി വാര്ഡ് 10, മറ്റത്തൂര് വാര്ഡ് 10 (ഇത്തനോളി), കാട്ടൂര് വാര്ഡ് 9 (ജൂബിലി നഗര് വാട്ടര് ടാങ്ക് റോഡ്), കോലഴി വാര്ഡ് 6. കണ്ടൈന്മെന്റ് സോണില് നിന്ന് ഒഴിവാക്കിയ പ്രദേശങ്ങള് : വടക്കാഞ്ചേരി നഗരസഭ 37-ാം ഡിവിഷന്, കൊരട്ടി വാര്ഡ് 8, കൈപ്പറമ്പ് വാര്ഡ് 15, വെങ്കിടങ് വാര്ഡ് 17, മേലൂര് വാര്ഡ് 8, ചേര്പ്പ് വാര്ഡ് 4, കടങ്ങോട് വാര്ഡ് 6, 17, കാട്ടാകാമ്പാല് വാര്ഡ് 11, തൃശൂര് കോര്പ്പറേഷന് 43-ാം ഡിവിഷന്.
കുടുംബത്തിലെ നാല് പേര്ക്ക് കൊറോണ
കൊടുങ്ങല്ലൂര്: ഒരു കുടുംബത്തിലെ നാല് പേരുള്പ്പെടെ എട്ടു പേര്ക്ക് രോഗം സ്ഥിരീകരിച്ചു. പറപ്പുള്ളി ബസാറിലെ ഒരു വീട്ടിലെ നാലു പേര്ക്കും എറിയാട്, എടവിലങ്ങ് എന്നിവിടങ്ങളിലെ ഒരാള് വീതവും ചേര്ത്തലയില് ജോലി ചെയ്യുന്ന വനിതാ ഡോക്ടര്, ഒരു ആരോഗ്യ പ്രവര്ത്തക എന്നിവര്ക്കാണ് കൊറോണ സ്ഥിരീകരിച്ചത്.
ഗര്ഭിണിക്ക് കൊറോണ
വെള്ളാങ്ങല്ലൂര്: വെള്ളാങ്ങല്ലൂര് പഞ്ചായത്തിലെ മൂന്നാം വാര്ഡില്പ്പെട്ട ഗര്ഭിണിയായ 22കാരിക്ക് പരിശോധന ഫലം പോസിറ്റീവായി. ഇവര് ഇരിങ്ങാലക്കുട സര്ക്കാര് ആശുപത്രിയില് മാസ പരിശോധനക്ക് ചെന്നപ്പോള് നടത്തിയ പരിശോധനയിലാണ് രോഗം സ്ഥിരീകരിച്ചത്. രോഗം ബാധിച്ചത് എവിടെ നിന്നാണെന്ന് പരിശോധിച്ചു വരുന്നതായി ആരോഗ്യ വകുപ്പ് അധികൃതര് അറിയിച്ചു.
