ന്യൂദല്ഹി: തെരഞ്ഞെടുപ്പില് മത്സരിക്കാന് താന് രാഷട്രീയക്കാരനല്ലെന്ന് സുപ്രീംകോടതി മുന് ചീഫ് ജസ്റ്റിസ് രഞ്ജന് ഗൊഗൊയ്. അസം മുന്മുഖ്യമന്ത്രി തരുണ് ഗൊഗൊയിയുടെ പ്രചരണങ്ങള്ക്ക് മറുപടിയുമായണ് അദ്ദേഹം രംഗത്തെത്തിയത്. വരുന്ന അസം തെരഞ്ഞെടുപ്പില് രഞ്ജന് ഗൊഗൊയ് ബിജെപിയുടെ മുഖ്യമന്ത്രി സ്ഥാനാര്ത്ഥിയാകുമെന്നായിരുന്നു കോണ്ഗ്രസ് നേതാവ് തരുണ് ഗൊഗോയിയുടെ പ്രസ്താവന.
എന്നാല് തനിക്ക് അങ്ങനെ ഒരു ആഗ്രഹമോ ലക്ഷ്യമോ ഇല്ലെന്നും മത്സരിക്കാന് ആരും തന്നോട് നിര്ദ്ദേശിച്ചിട്ടില്ലെന്നും മുന് ചീഫ് ജസ്റ്റിസ് വ്യക്തമാക്കി. രഞ്ജന് ഗൊഗൊയ് ബിജെപിയുടെ പരിഗണന പട്ടികയിലുണ്ടെന്നും വിവരം ലഭിച്ചെന്നായിരുന്നു തരുണ് ഗൊഗൊയിയുടെ വാദം. അതേസമയം തരുണ് ഗൊഗൊയിയുടെ പ്രസ്താവന തള്ളി ബിജെപി തന്നെ രംഗത്തെത്തിയിരുന്നു.
തരുണ് ഗൊഗൊയിയുടെ പ്രസ്താവന പരിഹാസ്യമാണെന്ന് ബിജെപി പറഞ്ഞു. അര്ഥശൂന്യമായ ആളുകളുടെ ജല്പനമായി മാത്രമേ അദ്ദേഹത്തിന്റെ പ്രസ്താവനയെ കാണുന്നുള്ളു എന്നും ബിജെപി സംസ്ഥാന പ്രസിഡന്റ് രാജ്നീത് കുമാര് ദാസ് വ്യക്തമാക്കി. രഞ്ജന് ഗൊഗൊയ് നിലവില് രാജ്യസഭാംഗമാണ്. സുപ്രീംകോടതി ചീഫ് ജസ്റ്റിസായിരുന്ന ഒരാള് രാജ്യസഭയിലേക്ക് നോമിനേറ്റ് ചെയ്യപ്പെട്ടത് ആദ്യമായാണ്.
