തുറവൂര്‍( ആലപ്പുഴ): കോടംതുരുത്തില്‍ ഗര്‍ഭിണിയായ യുവതിയെയും,പത്ത് വയസുള്ള മകനെയും വീടിനുള്ളില്‍ തൂങ്ങി മരിച്ച നിലയില്‍ കണ്ടെത്തി. കോടംതുരുത്ത് പഞ്ചായത്ത് പതിമൂന്നാം വാര്‍ഡില്‍ പെരിങ്ങോട്ട് ക്ഷേത്രത്തിന് സമീപം നികര്‍ത്തില്‍ വീട്ടില്‍ വിനോദിന്റെ ഭാര്യ രജിത(31), മകന്‍ വൈഷ്ണവ് എന്നിവരെയാണ് വീടിനളളില്‍ തൂങ്ങി മരിച്ച നിലയില്‍ കണ്ടെത്തിയത്.
രജിതയുടെ മൃതദേഹം ഫാനില്‍ തൂങ്ങിയ നിലയിലും, മകന്റെ മൃതദേഹം കട്ടില്‍കാലില്‍ കെട്ടിയ നിലയിലുമാണ് കണ്ടെത്തിയത്. നിര്‍മ്മാണത്തൊഴിലാളിയായ വിനോദ് കൊല്ലത്താണ് ജോലി ചെയ്യുന്നത്. വിനോദിന്റെ മാതാപിതാക്കള്‍ മാത്രമാണ് വീട്ടിലുണ്ടായിരുന്നത്. രാവിലെ ഉണരാത്തതിനെത്തുടര്‍ന്ന് മാതാപിതാക്കള്‍ വാതില്‍ തള്ളിത്തുറന്നപ്പോഴാണ് സംഭവം അറിയുന്നത്.
രജിത നാല് മാസം ഗര്‍ഭിണിയാണ്. ഈ കുടുംബം വലിയ സാമ്പത്തിക പ്രതിസന്ധി നേരിട്ടിരുന്നതായി സൂചനയുണ്ട്. കുത്തിയതോട് പോലീസ് മേല്‍നടപടികള്‍ സ്വീകരിച്ചു.
പ്രതികരിക്കാൻ ഇവിടെ എഴുതുക: