ദുബായ്: പതിമൂന്നാമത് ഇന്ത്യന്‍ പ്രീമിയര്‍ ലീഗില്‍ കളിക്കാന്‍ രാജസ്ഥാന്‍ റോയല്‍സും കിങ്‌സ് ഇലവന്‍ പഞ്ചാബും ദുബായിയിലെത്തി. ഐപിഎല്ലിനായി ആദ്യം യുഎഇയിലെത്തുന്ന ടീമാണ് ഇവര്‍. യുഎഇയിലെ മൂന്ന് വേദികളിലായി സെപ്തംബര്‍ 19 മുതല്‍ നവംബര്‍ വരെയാണ് ഐപിഎല്‍ മത്സരങ്ങള്‍ അരങ്ങേറുക.
കളിക്കാര്‍ യുഎഇയിലേക്കുള്ള വിമാനത്തില്‍ ഇരിക്കുന്ന ചിത്രം കിങ്‌സ് ഇലവന്‍ പഞ്ചാബ് പുറത്തുവിട്ടു. അബുദാബി, ഷാര്‍ജ, ദുബായ് എന്നിവിടങ്ങളിലാണ് മത്സരങ്ങള്‍ നടക്കുക. മത്സരങ്ങള്‍ 53 നാള്‍ നീണ്ടുനില്‍ക്കും.
ചില ദിവസങ്ങളില്‍ രണ്ട് മത്സരങ്ങള്‍ അരങ്ങേറും. ആദ്യ മത്സരം ഇന്ത്യന്‍ സമയം വൈകിട്ട് 3.30നും രണ്ടാം മത്സരം രാത്രി 7.30നും ആരംഭിക്കും. കൊറോണ മഹാമാരിയെ തുടര്‍ന്നാണ് ഇത്തവണത്തെ ഐപിഎല്‍ യുഎഇയിലേക്ക് മാറ്റിയത്. ഈ വര്‍ഷം മാര്‍ച്ച് 29ന് ആരംഭിക്കാനിരുന്ന ഐപിഎല്‍ ആദ്യ ഏപ്രില്‍ പതിനഞ്ചിലേക്ക് മാറ്റി. കൊറോണ വ്യാപനം തുടര്‍ന്നതിനാല്‍ പിന്നീട് അനിശ്ചിതകാലത്തേ് മാറ്റിവയ്‌ക്കുകയായിരുന്നു.
പ്രതികരിക്കാൻ ഇവിടെ എഴുതുക: