തിരുവനന്തപുരം: മുന് ആഘോഷങ്ങള്ക്ക് നിഷ്കര്ഷിച്ചതുപോലെ പൊതുസ്ഥലങ്ങളില് ഓണാഘോഷ പരിപാടികള് പാടില്ലെന്ന് മുഖ്യമന്ത്രി പിണറായി വിജയന്. പൊതു സ്ഥലങ്ങളിലുള്ള ഓണസദ്യയും പാടില്ല. ഷോപ്പുകള് രാവിലെ ഏഴു മണി മുതല് വൈകുന്നേരം ഏഴു മണിവരെ തുറക്കാം. ഹോം ഡെലിവറി പ്രോത്സാഹിപ്പിക്കണം. സാമൂഹിക അകലം പാലിച്ച് ഹോട്ടലുകളിലും റെസ്റ്റോറന്റുകളിലും ഇരുന്ന് ഭക്ഷണം കഴിക്കാം.
ഹോട്ടലുകള് രാത്രി 9 മണിവരെ തുറന്നു പ്രവര്ത്തിക്കാം. ഹോട്ടലുകളും റിസോര്ട്ടുകളും അണുമുക്തമാക്കി കൊറോണ മാനദണ്ഡങ്ങള് പാലിച്ച് തുറക്കാനുള്ള അനുമതി നല്കും. ഓണക്കാലമായതിനാല് അന്യസംസ്ഥാനത്ത് നിന്ന് ധാരാളം പൂക്കള് കൊണ്ടുവരുന്നതിനാല് മുന്കരുതലെടുക്കാന് ആരോഗ്യവകുപ്പ് മാര്ഗ്ഗനിര്ദേശങ്ങള് തയ്യാറാക്കണമെന്ന് മുഖ്യമന്ത്രി പറഞ്ഞു.
കൊറോണ പടര്ന്നു പിടിക്കുന്ന സാഹചര്യവും ഓണത്തിരക്കും കണക്കിലെടുത്ത് മുന്കരുതല് നടപടികള് ശക്തമാക്കും. ഇത് കണക്കിലെടുത്ത് വ്യാപാരി വ്യവസായികളുടെ യോഗം വിളിച്ചുചേര്ക്കാന് ജില്ലാ കലക്ടര്മാര്ക്ക് മുഖ്യമന്ത്രി നിര്ദേശം നല്കി. മത്സ്യത്തൊഴിലാളികള് കടലില് പോകുന്നതിനു മുമ്പ് കൊറോണ ടെസ്റ്റ് നടത്തണമെന്ന ചില ജില്ലകളിലെ നിബന്ധന ഒഴിവാക്കുമെന്നും മുഖ്യമന്ത്രി പറഞ്ഞു.
