മുട്ടം: ലൈറ്റര് ചോദിച്ചു, കൊടുക്കാത്തതിന് ബൈക്ക് കത്തിച്ചു. തലയനാട് അയ്യം പാറ ഭാഗത്ത് താമസിക്കുന്ന കരിമ്പനക്കല് ജിനോയുടെ ബൈക്കാണ് കത്തിച്ചത്. വിഷ്ണു വിജയന് എന്നയാള് ജിനോയോട് സിഗററ്റ് ലൈറ്റര് ചോദിച്ചു.
എന്റെ കയ്യില് ലൈറ്റര് ഇല്ലന്ന് ജീനോ പറഞ്ഞു. ഇതില് അരിശം പൂണ്ട വിഷ്ണു പോക്കറ്റില് നിന്ന് ലൈറ്റര് എടുത്ത് വഴിയരുകില് പാര്ക്ക് ചെയ്തിരുന്ന ജീനോയുടെ ബൈക്കിന്റെ ടാങ്ക് തുറന്ന് ലൈറ്റര് കത്തിച്ച് തീ കൊടുക്കുകയായിരുന്നു.
മുട്ടം എസ്ഐ ഷാജഹാനും സംഘവും എത്തിയപ്പോഴേക്കും പ്രതി കടന്ന് കളഞ്ഞിരുന്നു. പോലീസ് കേസ് എടുത്ത് അന്വേഷണം നടത്തി വരുന്നു.
