തിരുവനന്തപുരം: തന്റെ പഴയ ആര്‍ എസ് എസ് ബന്ധം ചര്‍ച്ചയാകുന്നതില്‍ ഉത്കണ്ഠയില്ലന്ന് സിപിഎം പോളിറ്റ് ബ്യൂറോ അംഗം എസ് രാമചന്ദ്രന്‍ പിള്ള. രക്ഷിതാക്കളാണ് തന്നെ ആര്‍ എസ് എസ് ശാഖയിലേയക്ക് അയച്ചത്. അത് ശരിയല്ലന്ന് തിരിച്ചറിഞ്ഞ് 18-ാം വയസ്സില്‍ കമ്മ്യൂണിസ്റ്റായി. രാമചന്ദ്രന്‍ പിള്ള കായംകുളത്ത് ആര്‍എസ്എസ് ശാഖ നടത്തുന്നതിന്റെ ചുമതലക്കാരനുമായിരുന്നു എന്ന് വ്യക്തമാക്കി ജന്മഭൂമിയില്‍ വന്ന ലേഖനത്തോടുള്ള പ്രതികരണമായി മനോരമ ചാനലിന്റെ നേരെ ചൊവ്വയില്‍ അദ്ദേഹം പറഞ്ഞു.
‘ഹൈസ്‌ക്കൂള്‍ വിദ്യാര്‍ത്ഥിയായിരുന്നപ്പോഴാണ് എസ്ആര്‍പി കൃഷ്ണപുരം പഞ്ചായത്തിലെ പുള്ളിക്കണക്ക് ശാഖയിലെ പ്രവര്‍ത്തകനായിരുന്നത്. ശാഖയുടെ നടത്തിപ്പ് ചുമതലയുള്ള ശിക്ഷക് എന്ന ചുമതല വഹിച്ചിരുന്ന എസ്ആര്‍പി സംഘത്തിന്റെ പ്രവര്‍ത്തന ശിബിരത്തിലും പങ്കെടുത്തിട്ടുണ്ട്. പിന്നീട് ഇദ്ദേഹം കമ്മ്യൂണിസ്റ്റ് പാര്‍ട്ടിയോട് അടുക്കുകയും പ്രവര്‍ത്തനത്തില്‍ സജീവമാകുകയും ചെയ്യുകയായിരുന്നു’. എന്നായിരുന്നു പി ശ്രീകുമാര്‍ എഴുതിയ ലേഖനത്തില്‍ പറഞ്ഞിരുന്നത്
പ്രതികരിക്കാൻ ഇവിടെ എഴുതുക: