ന്യൂദല്‍ഹി: കൊറോണ ബാധിച്ച് ചികിത്സയിലായിരുന്ന കേന്ദ്ര ആഭ്യന്തരമന്ത്രി അമിത് ഷാ രോഗമുക്തനായി. ട്വിറ്ററിലൂടെ അദേഹം തന്നെയാണ് ഇക്കാര്യം അറിയിച്ചത്. ഇന്ന് നടത്തിയ പരിശോധനയിലാണ് കൊറോണ മുക്തനായെന്ന് കണ്ടെത്തിയതെന്ന് അദേഹം വ്യക്തമാക്കി. ഡോക്ടര്‍മാരുടെ നിര്‍ദേശാനുസരണം കുറച്ചു ദിവസംകൂടി വീട്ടില്‍ നിരീക്ഷണത്തില്‍ കഴിയുമെന്ന് അദ്ദേഹം വ്യക്തമാക്കി.
‘ഇന്ന് എന്റെ കൊറോണ ടെസ്റ്റ് നെഗറ്റീവായി വന്നു. ഈശ്വരനോട് നന്ദി പറയുന്നു. ഒപ്പം എന്റെ ആരോഗ്യത്തിന് വേണ്ടി പ്രാര്‍ത്ഥിച്ച, ആശംസകള്‍ നേര്‍ന്ന എല്ലാവര്‍ക്കും ഹൃദയം നിറഞ്ഞ നന്ദി. ഡോക്ടര്‍മാരുടെ നിര്‍ദേശപ്രകാരം ഞാന്‍ കുറച്ചുദിവസം കൂടി ഐസൊലേഷനില്‍ തുടരും- അമിത് ഷാ ട്വിറ്ററില്‍ കുറിച്ചു.
ഒരാഴ്ചയോളം ഹരിയാനയിലെ ഗുരുഗ്രാമിലുള്ള മേദാന്ത ഹോസ്പിറ്റലില്‍ ചികിത്സയില്‍ കഴിഞ്ഞശേഷമാണ് അമിത് ഷാ രോഗമുക്തനായി തിരിച്ചെത്തുന്നത്.
പ്രതികരിക്കാൻ ഇവിടെ എഴുതുക: