ന്യൂദല്‍ഹി : കൊറോണ വൈറസിനെതിരെ ഇന്ത്യ തദ്ദേശീയമായി വികസിപ്പിച്ച കോ വാക്‌സിന്‍ സുരക്ഷിതമെന്ന് പരിശോധനാഫലം. ദല്‍ഹിയില്‍ എയിംസ് നടത്തിയ ക്ലിനിക്കല്‍ പരിശോധനയിലാണ് പാര്‍ശ്വഫലങ്ങള്‍ ഇല്ലെന്ന് കണ്ടെത്തിയതത്. 375 പേരിലാണ് കോ വാക്‌സിന്‍ പരീക്ഷണം നടത്തിയത്.
കഴിഞ്ഞ മാസമാണ് കോ വാക്‌സിന്റെ ക്ലിനിക്കല്‍ പരിശോധന ആരംഭിച്ചത്. ഇതിന്റെ ആദ്യഘട്ടം ആണ് ഇപ്പോള്‍ പൂര്‍ത്തീകരിച്ചിരിക്കുന്നത്. രാജ്യത്തെ 12 സ്ഥലങ്ങളിലായി 375 പേര്‍ക്കാണ് പരീക്ഷണ ഭാഗമായി വാക്‌സിന്‍ നല്‍കിയിരിക്കുന്നത്.
രണ്ട് ഡോസ് വീതം ആണ് ഓരോരുത്തര്‍ക്കും ആദ്യഘട്ടത്തില്‍ നല്‍കിയത്. ആദ്യ ഘട്ട വാക്‌സിന്‍ നല്‍കിയതിന് ശേഷമുള്ള പരിശോധനയിലാണ് ആര്‍ക്കും പാര്‍ശ്വഫലങ്ങളുണ്ടായിട്ടില്ലെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
വളരെ സുപ്രധാനമായ ഒരു പരിശോധനഫലം ആണ് ലഭിച്ചിരിക്കുന്നത്. വാക്‌സിന്റെ രണ്ടാം ഘട്ട ക്ലിനിക്കല്‍ പരിശോധന ഇപ്പോള്‍ പുരോഗമിക്കുകയാണ്.
പ്രതികരിക്കാൻ ഇവിടെ എഴുതുക: