കോഴിക്കോട്: ഒമ്പതുകിലോ കഞ്ചാവുമായി മൂന്നു പേരെ എക്സൈസ് സംഘം പിടികൂടി. മൂടാടി ചിങ്ങപുരം ഉണ്ണിയത്ത്കണ്ടി ഷാമില് മുഹമ്മദ്(28), ചെറുവാട്ട് മുജീബ്(41), ഷബീര് (24) എന്നിവരെയാണ് പിടികൂടിയത്. ഇവര് സഞ്ചരിച്ച കെഎല് 56 ക്യു 9263 നമ്പര് എന് ഫീല്ഡ് ബൈക്കും കസ്റ്റഡിയിലെടുത്തു.
ചൊവ്വാഴ്ച രാത്രി ഏഴു മണിയോടെ ചിങ്ങപുരം – തിക്കോടി റോഡിലൂടെ യാത്ര ചെയ്യുന്നതിനിടെയാണ് ഇവരെ അറസ്റ്റു ചെയ്യുന്നത്. പേരാമ്പ്ര സര്ക്കിള് ഇന്സ്പെക്ടര് സി. ശരത് ബാബുവിന്റെ നേതൃത്വത്തിലുള്ള സംഘമാണ് ഇവരെ പിടികൂടിയത്. ആന്ധ്രയില് ഹോട്ടല് നടത്തുന്ന ഷാമില് അവിടെ നിന്നാണ് രണ്ടാഴ്ച മുമ്പ് കഞ്ചാവ് കൊണ്ടുവന്നത്. വീട്ടില് സൂക്ഷിച്ചിരുന്ന കഞ്ചാവ് മറ്റൊരിടത്തേക്ക് മാറ്റുന്നതിനിടെയാണ് ഇവര് പിടിയിലായതെന്ന് എക്സൈസ് പറഞ്ഞു. ഇവര്ക്കെ തിരെ എന്ഡിപിഎസ് കേസ് എടുത്തു.
എക്സൈസ് പ്രിവന്റീവ് ഓഫീസര് ബാബുരാജ്, സിവില് എക്സൈസ് ഓഫീസര്മാരായ ശ്രീജിത്ത്, അജയകുമാര്, എക്സൈസ് കമ്മിഷണര് സ്ക്വാഡ് അംഗങ്ങളായ പ്രിവന്റീവ് ഓഫീസര് ഷിജുമോന്, സിവില് എക്സൈസ് ഓഫീസര് രാമകൃഷ്ണന്, എക്സൈസ് ഇന്സ്പെക്ടര് പ്രജിത്തിന്റെ നേതൃത്വത്തിലുള്ള കോഴിക്കോട് ഇഐ ആന്റ് ഐബി പാര്ട്ടി എന്നിവര് പങ്കെടുത്തു.
