അടിമാലി: കഞ്ചാവ് കേസില്‍ പിടികൂടിയ യുവാവിനെ ജാമ്യത്തില്‍ ഇറങ്ങുവാന്‍ എത്തിയ സംഘം നാര്‍കോട്ടിക് ഓഫീസില്‍ അക്രമം നടത്തി. സംഭവത്തില്‍ നാല് യുവാക്കളെ പോലീസ് കസ്റ്റഡിയില്‍ എടുത്തു. ബുധനാഴ്‌ച്ച വൈകുനേരം അഞ്ച് മണിയോടെയാണ് സംഭവം. അടിമാലി പഴയ റോഡില്‍ താമസിക്കുന്ന രാഹുല്‍ എന്ന യുവാവിനെ പത്ത് ഗ്രാം കഞ്ചാവുമായി നാര്‍കോട്ടിക് സംഘം ബുധനാഴ്‌ച്ച ഉച്ചയോടെപിടികൂടി. രാഹുലിനെ ജാമ്യത്തില്‍ ഇറക്കാനെന്ന് പറഞ്ഞ് നാല് മണിയോടെ രാഹുലിന്റെ സുഹൃത്തുക്കളായ
നാല് യുവാക്കള്‍ നാര്‍കോട്ടിക്ക് ഓഫീസില്‍ എത്തി. ഇവര്‍ ഓഫീസിലെ ജീവനക്കാരുമായി വാക്കേറ്റം ആരംഭിച്ചു. തുടര്‍ന്ന് ഇവര്‍ ഹെല്‍മറ്റ് വെച്ച് ഉദ്യോഗസ്ഥരെ അക്രമിക്കാന്‍ ശ്രമിക്കുകയും, ഓഫീസില്‍ ഭീകരാന്തരീക്ഷം സൃഷ്ടിക്കുകയും ചെയ്തു. ഇതോടെ
നാര്‍ക്കോട്ടിക്ക് സിഐ എം.കെ. പ്രസാദ് അടിമാലി പോലീസിനെ വിവരം അറിയിച്ചു. പോലീസ് വരുന്നതറിഞ്ഞ് അക്രമികള്‍ സമീപത്തെ പള്ളി കാട്ടില്‍ ഒളിച്ചു. തുടര്‍ന്ന് പോലീസ് സാഹസികമായി അടിമാലി സ്വദേശികളായ ജിബിന്‍, അസില്‍, അനന്തു, വിഷ്ണു എന്നിവരെ കസ്റ്റഡിയില്‍ എടുത്തു. അടിമാലി സി.ഐ. അനില്‍ ജോര്‍ജിന്റെ നേത്യത്യത്തിലുള്ള സംഘമാണ് ഇവരെ പിടികൂടിയത്.
പ്രതികരിക്കാൻ ഇവിടെ എഴുതുക: