തിരുവനന്തപുരം: ഇന്‍ഷ്വറന്‍സ് പരിരക്ഷയും 30 ശതമാനം റിസ്‌ക് അലവന്‍സും പോലീസിനും നല്‍കണമെന്നാവശ്യപ്പെട്ട് ഒ. രാജഗോപാല്‍ എംഎല്‍എ മുഖ്യമന്ത്രിക്ക് കത്തയച്ചു. കേന്ദ്ര സര്‍ക്കാര്‍ ആരോഗ്യപ്രവര്‍ത്തകര്‍ക്ക് ഏര്‍പ്പെടുത്തിയിട്ടുള്ള തരത്തില്‍ ഇന്‍ഷ്വറന്‍സ് പരിരക്ഷയും സംസ്ഥാന സര്‍ക്കാര്‍ ആരോഗ്യപ്രവര്‍ത്തകര്‍ക്ക് അനുവദിച്ച 30 ശതമാനം റിസ്‌ക് അലവന്‍സും കൊറോണ പ്രതിരോധ പ്രവര്‍ത്തനത്തില്‍ മുന്നില്‍ നിന്നു പ്രവര്‍ത്തിക്കുന്ന പോലീസിനും നല്‍കണമെന്ന് കത്തില്‍ അദ്ദേഹം ആവശ്യപ്പെട്ടു.
കൊറോണ പ്രതിരോധ പ്രവര്‍ത്തനത്തില്‍ വിശ്രമമില്ലാതെ പ്രവര്‍ത്തിക്കുന്ന പോലീസ് സേനാംഗങ്ങളില്‍ പലര്‍ക്കും കൊറോണ ബാധിച്ചു. പ്രതിരോധ പ്രവര്‍ത്തനങ്ങളിലുണ്ടായിരുന്ന ഒരു പോലീസ് ഉദേ്യാഗസ്ഥന്‍ മരിച്ചു. അമിത ജോലി ഭാരവും മാനസിക സംഘര്‍ഷവും കാരണം അരക്ഷിതാവസ്ഥയിലാണ് പോലീസ് സേനാംഗങ്ങളെന്നും രാജഗോപാല്‍ ചൂണ്ടിക്കാട്ടി.
പ്രതികരിക്കാൻ ഇവിടെ എഴുതുക: