തൃശൂര്: ആഡംബര ബൈക്കില് കടത്താന് ശ്രമിച്ച രണ്ട് കിലോ കഞ്ചാവുമായി വടക്കാഞ്ചേരിയില് രണ്ട് യുവാക്കള് പിടിയില്. കൊല്ലം കൊട്ടിയം സ്വദേശി ഇജാവ മന്സില് വീട്ടില് സായിദ് (20), വടക്കാഞ്ചേരി കല്ലംപാറ സ്വദേശി ചെമ്പ്രങ്ങോട്ടില് ഗിജേഷ് (23) എന്നിവരെയാണ് എക്സൈസ് പിടികൂടിയത്.
ചേലക്കരയില് നിന്ന് രണ്ട് കിലോ അടങ്ങുന്ന 45,000 രൂപക്കാണ് കഞ്ചാവ് വാങ്ങിയത്. വടക്കാഞ്ചേരി, കൊല്ലം മേഖലകളില് ചില്ലറ വില്പന നടത്തുന്നതിനായാണ് കഞ്ചാവ് വാങ്ങിയതെന്ന് പ്രതികള് മൊഴി നല്കിയതായി എക്സൈസ് ഉദ്യോഗസ്ഥര് അറിയിച്ചു. ചില്ലറ വിപണിയില് ഇതിനു രണ്ട് ലക്ഷം രൂപയോളം വിലവരും.
