മോസ്കോ: കൊറോണ പ്രതിരോധത്തിന് വേഗം കൂട്ടാന് റഷ്യന് വാക്സിന് തയാറാകുന്നു. ഈ ആഴ്ചയോടെ വാക്സിന് അനുമതി ലഭിക്കുമെന്നാണ് റിപ്പോര്ട്ടുകള്. റഷ്യയിലെ പ്രതിരോധ മന്ത്രാലയവുമായി ചേര്ന്ന് മോസ്കോയിലെ ഗമാലിയ ഇന്സ്റ്റിറ്റിയൂട്ടാണ് വാക്സിന് വികസിപ്പിച്ചത്. ഈ ആഴ്ച അനുമതി ലഭിച്ചാല് പൊതുജനങ്ങളിലേക്കെത്തുന്ന ആദ്യ കൊറോണ വാക്സിനാകും ഇത്. ചൈനയില് ഒരു വാക്സിന് അനുമതി ലഭിച്ചെങ്കിലും പട്ടാളക്കാര്ക്കിടയില് മാത്രമാണ് നിലവില് അത് ഉപയോഗിക്കുന്നത്.
അതേ സമയം കൊറോണയ്ക്കെതിരെ വാക്സിന് (കൊവാക്സിന്) നിര്മാണം വേഗത്തിലാക്കാനും എല്ലാവരിലേക്കും അതെത്തിക്കാനുമുള്ള പദ്ധതിയില് എല്ലാരാജ്യങ്ങളും പങ്ക് ചേരണമെന്ന് കഴിഞ്ഞ ദിവസം ലോകാരോഗ്യ സംഘടന അറിയിച്ചു. എല്ലാ ഘട്ടങ്ങളും വിജയകരമായി പൂര്ത്തിയാക്കി അനുമതി ലഭ്യമാകുന്ന വാക്സിന് ഈ രാജ്യങ്ങളിലേക്ക് എത്രയും പെട്ടെന്ന് വിതരണം ചെയ്യുമെന്നും അവര് പറഞ്ഞു.
നിലവില് നൂറ്റമ്പതോളം ഇടങ്ങളില് വാക്സിന് നിര്മാണം ആരംഭിച്ചിട്ടുണ്ട്. 23 എണ്ണം വിവിധഘട്ട പരീക്ഷണങ്ങളിലാണ്. ഇതില് ആറെണ്ണം മനുഷ്യരിലെ മൂന്നാംഘട്ട പരീക്ഷണത്തിലും.
ഏകദേശം എട്ട് വാക്സിനുകളാണ് ഇന്ത്യയില് വികസിപ്പിച്ചുകൊണ്ടിരിക്കുന്നത്. ഇതില് രണ്ടെണ്ണം മനുഷ്യരിലെ രണ്ടാംഘട്ട പരീക്ഷണത്തിലും ഒരെണ്ണം ഒന്നാംഘട്ടത്തിന്റെ അവസാനത്തിലുമാണ്.
