അമരാവതി :ആന്ധ്രാപ്രദേശിെല കൊറോണ കെയര്‍ സെന്ററിലുണ്ടയായ തീപിടിത്തത്തില്‍ ഏഴ് മരണം. വിജയവാഡ കൃഷ്ണ ജില്ലയിലെ ഗോള്‍ഡന്‍ പാലസ് എന്ന കൊറോണ കെയര്‍ സെന്ററിലാണ് തീപിടിത്തമുണ്ടായത്. 15 പേരെ രക്ഷപ്പെടുത്തിയതായാണ് വിവരം. കൂടുതല്‍ വിവരങ്ങള്‍ ലഭ്യമായിട്ടില്ല.
30 രോഗികളാണ് ഇവിടെ ഉണ്ടായിരുന്നതെന്നാണ് വിവരം. 10 ആരോഗ്യ പ്രവര്‍ത്തകരും ഗോള്‍ഡന്‍ പാലസില്‍ ഉണ്ടായിരുന്നു. അതേസമയം പ്രദേശത്ത് ഏഴ് പേര്‍ കുടുങ്ങിക്കിടക്കുന്നതായും റിപ്പോര്‍ട്ടുണ്ട്. ഇവര്‍ക്കായുള്ള രക്ഷാപ്രവര്‍ത്തനം ഊര്‍ജിതമായി നടക്കുകയാണ്. സ്ഥലത്തേക്ക് നിരവധി ഫയര്‍ എഞ്ചിനുകള്‍ എത്തിച്ചിട്ടുണ്ട്.
സംഭവത്തില്‍ ആന്ധ്രാപ്രദേശ് മുഖ്യമന്ത്രി വൈ.എസ്. ജഗന്‍മോഹന്‍ റെഡ്ഡി നടുക്കം രേഖപ്പെടുത്തി. സംഭവത്തെക്കുറിച്ച് മുഖ്യമന്ത്രി റിപ്പോര്ട്ട് തേടിയിട്ടുണ്ട്. അടിയന്തിര നടപടി കൈക്കൊള്ളാനും നിര്‍ദ്ദേശിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: