മുട്ടം: കച്ചവട സ്ഥാപനങ്ങളിലേക്ക് സാധന സാമഗ്രികള്‍ എത്തിച്ച് നല്‍കാം എന്ന് പറഞ്ഞ് വിവിധ സ്ഥലങ്ങളിലെ സ്ഥാപന ഉടമകളെ കബളിപ്പിച്ച് പണപ്പിരിവ് നടത്തിയ കേസില്‍ പ്രതി പിടിയില്‍. കോട്ടയം അയ്മനം പുത്തന്‍പറമ്പില്‍ സുനിലി(63) നെ ആണ് മുട്ടം എസ്‌ഐ പി.എസ്. ഷാജഹാന്റെ നേതൃത്വത്തിലുള്ള പോലീസ് സംഘം പിടികൂടിയത്.
മുട്ടത്ത് വ്യാപാര സ്ഥാപനത്തില്‍ എത്തിയ ഇയാള്‍ സ്ഥാപന ഉടമയോട് സംസാരിക്കവെ ഇയാളുടെ പെരുമാറ്റത്തില്‍ സംശയം തോന്നിയ സ്ഥാപന ഉടമ അടുത്ത കടക്കാരനെ വിവരം അറിയിക്കുകയായിരുന്നു. ഏതാനും ദിവസങ്ങള്‍ക്ക് മുന്‍പ് തന്റെ കടയില്‍ വന്ന് സാധന സാമഗ്രികള്‍ എത്തിച്ച് നല്‍കാം എന്ന് പറഞ്ഞ് പോയ ആളാണെന്ന് അടുത്ത കടക്കാരന്‍ ഇയാളെ തിരിച്ചറിയുകയും ചെയ്തു. സ്ഥാപന ഉടമകള്‍ അറിയിച്ചതിനെ തുടര്‍ന്ന് സ്ഥലത്ത് എത്തിയ പോലീസ് ഇയാളെ പിടി കൂടുകയായിരുന്നു. ഏതാനും മാസങ്ങള്‍ക്ക് മുന്‍പ് മുട്ടത്ത് വിവിധ സ്ഥാപനങ്ങളില്‍ നിന്ന് ഇയാള്‍ പണപ്പിരിവ് നടത്തിയിരുന്നതായി വ്യാപാരികള്‍ പറഞ്ഞു.
പ്രതികരിക്കാൻ ഇവിടെ എഴുതുക: