ബെംഗളൂരു: കര്ണ്ണാടക മുഖ്യമന്ത്രി ബിഎസ് യെദിയൂരപ്പയ്ക്ക് കൊറോണ സ്ഥിരീകരിച്ചു. അദേഹം തന്നെയാണ് ഇക്കാര്യം ട്വിറ്ററിലൂടെ അറിയിച്ചത്. കൊറോണ ടെസ്റ്റില് പോസിറ്റീവ് ഫലമാണ് ലഭിച്ചത്. അതിനാല് ഡോക്ടര്മാരുടെ നിര്ദേശ പ്രകാരം ആശുപത്രിയിലാണ്. പൂര്ണ ആരോഗ്യവാനാണെന്നും യെദിയൂരപ്പ വ്യക്തമാക്കി. അടുത്തിടെ താനുമായി സമ്പര്ക്കം പുലര്ത്തിയവര് ക്വാറന്റയിനിയില് പോകാനും അദേഹം നിര്ദേശിച്ചു.
ഇന്ന് ഉച്ചയ്ക്ക് കേന്ദ്ര ആഭ്യന്തരമന്ത്രി അമിത് ഷായ്ക്ക് കൊറോണ സ്ഥിരീകരിച്ചിരുന്നു. സോഷ്യല് മീഡിയ അക്കൗണ്ടുകളിലൂടെ അദേഹം തന്നെയാണ് ഇക്കാര്യം പുറത്തുവിട്ടത്. താന് ആരോഗ്യവാനായി ഇപ്പോള് ആശുപത്രിയില് ഇരിക്കുന്നുവെന്നും അദേഹം വ്യക്തമാക്കി. പ്രാരംഭലക്ഷണങ്ങള് കണ്ടപ്പോള് തന്നെ പരിശോധിച്ചതായി അദ്ദേഹം പറഞ്ഞു. താനുമായി സമ്പര്ക്കം പുലര്ത്തിയവര് ക്വാറന്റീനില് പോകണമെന്നും അദ്ദേഹം അഭ്യര്ത്ഥിച്ചു.
